Jerónimo Figueroa

Jerónimo Figueroa Cabrera, coñecido como Momo, nado nas Palmas de Gran Canaria o 15 de xullo de 1982, é un exfutbolista español. Xogaba de centrocampista.

Jerónimo Figueroa

(2009)
Biografía
Nacemento	15 de xullo de 1982 (42 anos) As Palmas de Gran Canaria, España
Altura	177 cm
Actividade
Ocupación	futbolista
Período de actividade	2002 - 2019
Deporte	fútbol
Posición de xogo	Extremo esquerdo
Número deportivo	11
Traxectoria   Equipo 2001–2003   UD Las Palmas Atlético 2003–2004   UD Las Palmas 40 (3) 2004–2005 → cesión:    Albacete Balompié 24 (1) 2004–2008   Deportivo da Coruña 5 (0) 2006–2007 → cesión:    Racing de Santander 13 (0) 2007–2008 → cesión:    Xerez CD 32 (0) 2008–2010   Xerez CD 66 (19) 2010–2012   Real Betis Balompié 20 (0) 2012–   UD Las Palmas

Traxectoria

Comezou a xogar ao fútbol como profesional na UD Las Palmas B onde permaneceu unha tempada. Con 21 anos subiu ao primeiro equipo onde logra facerse un oco nos onces iniciais desa tempada sendo o xogador revelación de UD Las Palmas esa tempada.

No seu seguinte ano, é traspasado ao Deportivo da Coruña e tachado pola afección amarela como un mercenario. Pero Momo non ten oportunidades no Dépor e ten que irse cedido ao Albacete Balompié, club que acaba descendendo a Segunda División.

Na tempada 2005–06 quédase na Coruña, pero practicamente non xoga case ningún partido e búscaselle outra cesión á tempada seguinte (2006–07). Esta vez foi a recalar nas filas do Racing de Santander, pero de novo tampouco logra facerse un oco no once.

Na tempada 2007–08 non conta con sitio no persoal do Deportivo, así que é obrigado a irse outra vez cedido. Nesta ocasión ten que volver a Segunda División varias campañas despois, esta vez para xogar no Xerez CD. Pero grazas a esa campaña e a chegada de Esteban Vigo a metade de tempada, Momo volve conseguir un gran nivel, sendo un dos responsables da salvación do equipo.

O Xerez decide compralo ao Deportivo, o cal non ten problema en deixalo marchar. Na tempada 2008–09, Momo faise coa banda esquerda do equipo e consegue estoupar futbolisticamente logrando ser o pichichi do equipo con 17 goles. Ademais, esa tempada foi nomeado como un dos tres mellores centrocampistas de ataque da Liga Adelante, xunto con Alfaro e Arana.

En xuño de 2010, logo do descenso do Xerez a Segunda División, Momo fichou polo Real Betis para a tempada 2010–11. Nesa campaña, na que participou en 18 encontros, o equipo ascendeu como líder a Primeira División. Na campaña 2011–12 xogou tan só 2 partidos.

Na tempada 2012–13 firmou polo UD Las Palmas, participando en 13 encontros e anotando 2 goles no seu retorno ao equipo insular.

Estatísticas

Actualizado a 23 de decembro de 2012

Club	Temporada	Competición	Partidos	Goles
Las Palmas B	2001–02	Terceira División	26	1	-	-
	2002–03	Terceira División	–	–	–	–
Las Palmas		Segunda División	4	0	0	0
	2003–04	Segunda División	36	3	4	0
Albacete	2004–05	Primeira División	26	1	1	0
Deportivo da Coruña	2005–06	Primeira División	5	0	1	0
		Copa Intertoto	1	0	0	0
Racing de Santander	2006–07	Primeira División	13	0	0	0
Xerez	2007–08	Segunda División	32	0	5	1
	2008–09	Segunda División	40	17	5	0
	2009–10	Primeira División	26	2	2	0
Betis	2010–11	Segunda División	20	0	1	0
	2011–12	Primeira División	2	0	1	0
Las Palmas		Segunda División	4	1	0	0
	2012–13	Segunda División	18	3	1	1
		Copa do Rei	2	1	1	0

Véxase tamén

Ligazóns externas

• Datos do xogador en bdfutbol.com (en castelán)
• Datos en XerezCD.com (en castelán)
• Traxectoria en Futbolme.com (en castelán)