James Hingston Tuckey

James Hingston Tuckey, nado en Greenhill, preto de Mallow (Condado de Cork), en agosto de 1776 e finado o 4 de outubro de 1816, foi un explorador británico e capitán da Royal Navy.

James Hingston Tuckey

Biografía
Nacemento	agosto de 1776 Mallow, Irlanda (pt)
Morte	4 de outubro de 1816 (40 anos) Río Congo
Actividade
Campo de traballo	Botánica
Ocupación	explorador, botánico
Carreira militar
Lealdade	Reino de Gran Bretaña
Rama militar	Royal Navy
Rango militar	Tenente
Conflito	Guerras da Revolución Francesa
Obra
Obras destacables (1805) An account of a voyage to establish a colony at Port Philip in Bass's Strait on the south coast of New South Wales, in His Majesty's Ship Calcutta, in the years 1802-3-4 (en)
Abreviación dun autor en botánica	Tuckey
Descrito pola fonte	Dictionary of National Biography A Compendium of Irish Biography (en)

Traxectoria

Fixo o seu inicio militar contra os neerlandeses e os franceses na India e Sri Lanka, tamén combateu contra os franceses no mar Vermello. En 1802 axudou a expandir a colonia británica de Nova Gales do Sur en Australia. En 1805 cando escoltaba un convoi inglés desde a illa de Santa Helena, foi apresado polos franceses, permanecendo encarcerado nove anos. Durante o seu cativerio escribiu Maritime Geography and Statistics, no que ofrecía unha visión integra dos diferentes fenómenos do océano.

En 1816 tratou de explorar o río Congo nunha expedición organizada polo Almirantado británico, que tiña por obxecto a exploración do río Congo e investigar se existía unha conexión entre este río e o río Níxer coas concas da África Occidental e Central. Tuckey navegou dende a súa desembocadura, pero constatou que a parte inicial do río non era navegábel debido aos rápidos existentes, posteriormente chamados Cataratas Livingstone, sobre Matadi, a 160 km do mar. Só atopou ruínas de colonias portuguesas e misioneiros católicos moribundos.

Propuxo enviar misioneiros protestantes ao río Congo. Explorou río arriba, até chegar a 480 km do mar. A maioría da tripulación e dos seus oficiais, morreron de febre, e o mesmo Tuckey morreu o catro de outubro de 1816 en Moanda, na actual República Democrática do Congo. A expedición foi un fracaso pero concitou o interese da exploración do continente africano.

Véxase tamén

Ligazóns externas

• Tuckey, James Kingston na Encyclopedia Britannica. (en inglés)