Jakub Suša
Jakub Suša (en belaruso: Якуб Суша, en polaco: Jakub Jan Susza, en ucraíno: Яків Суша), nado en Minsk arredor de 1610[1] e finado en Chełm o 4 de setembro de 1687,[1] foi un relixioso basiliano greco-católico, bispo de Chełm dende 1652 até o seu pasamento.
  | |
| Biografía | |
|---|---|
| Nacemento | c. 1604 Minsk, Belarús |
| Morte | 4 de marzo de 1687 (82/83 anos) Chełm, Polonia (pt)  |
| Bispo diocesano | |
| 22 de febreiro de 1652 – ← Atanazy Zachariasz Furs (en) – Augustyn Aleksander Łodziata (en) → Diocese: Ukrainian Catholic Eparchy of Chełm–Bełz (en) | |
| Datos persoais | |
| Relixión | Igrexa católica e Metrópole de Kíiv, Galicia e toda Rusia |
| Educación | Collegium Hosianum (en) |
| Actividade | |
| Ocupación | bispo católico (1652–), sacerdote católico (1632–), escritor, teólogo |
| Orde relixiosa | Orde de San Basilio Magno |
| Consagración | Antin Seliava |
| Descrito pola fonte | Dicionario Enciclopédico Brockhaus e Efron |
Traxectoria
editarEn 1626 entrou na Orde de San Basilio Magno, e foi educado no colexio pontificio de Braniewo (Prusia) até 1632,[1] e posteriormente en Pułtusk, en Olomouc (Moravia) até 1636,[1] onde se doutorou en Teoloxía, e en Roma.
A partir de 1639 pasou a ser o superior do mosteiro basiliano de Chełm. En 1649 pasou a ser administrador apostólico da eparquía de Chełm,[1] e en 1652 foi nomeado bispo de dita diocese.[1]
Durante o seu pontificado defendeu e promoveu a idea da unión entre a Igrexa ortodoxa e a Igrexa católica. Entre 1664 e 1666 exerceu de procurador da Igrexa rutena ante a Santa Sé,[1] onde contribuíu a solucionar disensións na orde basiliana e logrou un acordo que impedise o cambio de rito para os católicos.[1]
Participou en Lublin no colloquium amicabile, un intento infrutuoso de reconciliación entre greco-católicos e ortodoxos da metrópole de Kíiv. Na década de 1680 convocou seis sínodos diocesanos que contribuíron ao renacemento da vida relixiosa, á reforma do clero, e ao fortalecemento das institucións eclesiásticas.
Foi tamén un promotor do culto á icona da Nai de Deus de Chełm, o que contribuíu a facer de dita cidade un destino mariano de importancia nacional. Deixou varias obras escritas, que son unha importante fonte de información sobre a historia de Chełm e da Igrexa Rutena en Polonia, como a historia da icona da Nai de Deus e as vidas de san Xosafat e Meletii Smotrytskyi,[1] e foi tamén impulsor da beatificación do primeiro.[1]
Notas
editar- ↑ 1,00 1,01 1,02 1,03 1,04 1,05 1,06 1,07 1,08 1,09 Volodymyr Kubiiovych, Danylo Huzar-Struk, ed. (1993). Encyclopedia of Ukraine (en inglés) 5. University of Toronto Press. pp. 113–114. ISBN 9780802039958.
Susha, Yakiv