Jacob Jordaens

Jacob Jordaens, nado en Antuerpen o 19 de maio de 1593 e finado o 18 de outubro de 1678, foi un pintor flamengo. Foi un dos maiores mestres da pintura anversiense do século XVII, xunto con Rubens e Anton van Dyck.

Jacob Jordaens

Biografía
Nacemento	19 de maio de 1593 Antuerpen
Morte	18 de outubro de 1678 (85 anos) Antuerpen
Datos persoais
País de nacionalidade	Países Baixos españois
Grupo étnico	Pobo flamengo
Relixión	Protestantismo
Actividade
Lugar de traballo	Antuerpen Ámsterdam Putte (en)
Ocupación	pintor , debuxante , gravador
Membro de	Antwerp Guild of Saint Luke (en)
Xénero artístico	Retrato, Pintura de historia, pintura relixiosa, pintura mitolóxica, pintura de xénero, Arte de paisaxes e arte de xénero
Movemento	Pintura barroca flamenga (pt) e Barroco
Profesores	Adam van Noort (pt)
Alumnos	Johann Ulrich Mayr (pt)
Lingua	Lingua neerlandesa
Obra
Obras destacables (1620) Mercury and Argus (en) (década de 1640) The Bagpipe Player (en) (1640) Prometheus Bound (en) (1643) The Abduction of Europa (en)
Familia
Cónxuxe	Catharina van Noort
Fillos	Jacob Jordaens (II) (pt) , Elisabeth Jordaens, Anna Catharina Jordaens

Autorretrato coa esposa e súa filla Elisabeth. Museo do Prado.

Traxectoria

Seu pai era un mercador de tecidos. A familia Jordaens formaba parte da burguesía acomodada: a casa familiar estaba situada na Hoogstraat (Rúa Alta), unha das rúas máis coñecidas polo comercio de tecidos de Antuerpen, e comunicaba a Grande-Place co Rivage (as dúas prazas máis importantes da cidade).

Jordaens foi bautizado o 20 de maio de 1593, ao outro día de nacer, como o testemuñan os rexistros da igrexa católica de Nosa Señora de Antuerpen. Fillo máis vello, os pais tiveron logo outros dez (oito nenas e dous nenos). A súa infancia apenas nos é coñecida, mais probabelmente recibise unha educación suficiente como era característico entre a burguesía da súa época.

A partir de 1607, fórmase con Adam van Noort, un pintor flamengo cuxos cadros son de atribución dubidosa. Adam Van Noort era luterano, mais despois do triunfo da Contrarreforma en Anveres se viu obrigado, como a súa familia, a disimular a súa fe. Jordaens viviu coa familia Van Noort, composta polo matrimonio e seis fillos, até 1618.

O 15 de maio de 1616, Jacob casou coa filla máis vella do seu mestre, Catharina Van Noort, catro anos maior ca el. Fixeron un casamento de rito católico. Do seu matrimonio naceron tres fillos: Elisabeth (1617), Jacques (1625) e Anne Catherine (1629).

A pesar do seu benestar económico, Jordaens non viaxou nunca a Italia, viaxe que era considerada como necesaria para a educación dun artista que se prezase.

Famoso polo cadro O rei bebe, pintado arredor de 1640, converteuse no primeiro pintor de Antuerpen, logo da morte de Rubens nese ano.

Tiña colaborado con Rubens entre 1620 a 1640, por exemplo en obras destinadas á decoración da Torre de la Parada, en Madrid, que encargara o rei de España.

En 1671, sete anos antes da súa morte, converteuse ao calvinismo. Jacob Jordaens faleceu o 18 de outubro de 1678, o mesmo día que a súa filla Elisabeth.

Obras principais

• Os catro evanxelistas, (ca. 1625-30), Museo do Louvre, París.
• Alegoría da Fecundidade, (ca. 1625), Musées Royaux des Beaux-Arts, Bruxelas.
• A infancia de Xúpiter (ou "Xúpiter neno alimentado pola cabra Amaltea"), (ca. 1630), (Louvre).
• O repouso de Diana, (1645-55), (Louvre).
• Grandes cabalos, cartóns, Museo de Viena.
• Educación de Luis XIII, cartón.
• Louis XIII da cabalo saltando un obstáculo, cartón e tapiz, Château de Chastellux.
• Louis XIII da csbalo, cartón e tapiz, Château de Chastellux.
• Louis XIII no seu cabalo castaño, cartón r tapiz, Château de Chastellux.
• O triunfo da relixión, igrexa parroquial de Argentré-du-Plessis.
• O Xuízo final, igrexa parroquial de Notre-Dame de Bougival).
• San Martiño desconxurando un poseso, igrexa de Brandeville)
• A Asunción, igrexa de Santo Hipólito, Poligny), copia?.
• Triunfo de de Frederico-Henrique de Orange-Nassau, (1651-1652), Casa de Orange-Nassau, A Haia.
• Cabezas de apóstolos, (1610), Douais.
• A familia do pintor, (1620-1621), Museo do Prado, Madrid.
• Meleagro e Atalanta, Museo do Prado.
• Piéta, Museo do Prado.
• Ofrenda a Ceres, Museo do Prado.
• Autorretrato con os pais e irmáns, Museo do Ermitaxe, San Petersburgo.
• Cabeza de anciá, Museo de Belas Artes, Nancy.
• Retrato dun home, (1624), The National Gallery of Art, Washington.
• Un monteiro e os seus cans, (1635), Pazo de Belas Artes de Lille.
• A habilidade do neno prodixio, Pazo de Belas Artes de Lille.
• Susana e os vellos, Pazo de Belas Artes de Lille.
• Cristo e os fariseos, (ca. 1660), Pazo de Belas Artes de Lille.
• O rapto de Europa, (1643), Pazo de Belas Artes de Lille.
• Tributo de San Pedro, (Copenhague)
• O sátiro e o campesiño, Budapest, Bruxelas, Múnic, Gotemburgo, Cassel...

Galería de imaxes

• 
  Xúpiter neno alimentado pola cabra Amaltea, ca 1630
• 
  O rei bebe, ca. 1640
• 
  Os catro evanxelistas, ca. 1625-30
• 
  O sátiro e o campesiño

Véxase tamén

Bibliografía

• D’Hulst, De Poorter, Vandeuven, Jacob Jordaens (1593-1678). Tableaux et tapisseries. (catalogue d'exposition), Koninklijk Museum voor Schone Kunsten, 1993.