Iván VI de Rusia
Iván VI de Rusia, nado en San Petersburgo en 1740 e finado en Schlüsselburg en 1764, foi un tsar de Rusia. Neto de Iván V. O seu pai foi Antonio de Brunswick-Wolfenbüttel e a súa nai a Princesa e Duquesa Ana Leopoldovna.
| Iván VI de Rusia | |
|---|---|
 | |
| Datos persoais | |
| Nacemento | 23 de agosto de 1740 e 13 de agosto de 1740 |
| San Petersburgo | |
| Falecemento | 5 de xullo de 1764 e 4 de xullo de 1764 |
| Schlüsselburg | |
| Pai | António Ulrich de Brunswick-Wolfenbüttel |
| Nai | Ana Leopoldovna |
| Relixión | Cristianismo ortodoxo |
| Na rede | |
   | |
| [ editar datos en Wikidata ] | |
Tsar de Rusia Editar
A súa tía avoa e Tsarina, Ana Ivanovna, adoptouno cando só tiña oito semanas de vida, e declarouno o seu sucesor o 5 de outubro de 1740. Cando Ana morreu, Iván prclamouse emperador, e ao día seguinte Ernest Johann von Biron, Duque de Curlandia, ocupou o cargo de Rexente. Na caída de Biron, a rexencia pasou a mans da nai do neno, pero o vice-chanceler, Andrei Osterman, dirixiu o goberno.
Caída do trono e encarcelamento Editar
Trece meses despois, un golpe de estado levou a Sabela I ao trono, o 6 de decembro de 1741. Iván e a súa familia foron encarcerados na fortaleza de Dunamunde o 13 de decembro de 1742, despois dunha previa detención en Riga, onde a nova Tsarina decidira levalos primeiro a Brunswick. En xuño de 1744 levárono a Kholmogory, preto do mar Branco, onde Iván, illado da súa familia, pasou os seguintes doce anos. Algúns rumores aseguran que foi tranferido en segredo á fortaleza de Schlisselburgo (1756) onde era protexido e coidado máis rigurosamente.
Cando Pedro III tomou o trono, a condición do prisioneiro pareceu mellorar, pero Pedro morreu semanas máis tarde.
Morte Editar
En 1762 asumiu a rexencia de Rusia Catarina II, e foron dadas ordes máis rigurosas ao oficial reponsable do denominado prisioneiro "anónimo". Ante calquera tentativa de liberarse, o preso tería que ser fusilado. Baixo ningunha circunstancia podería ser entregado a mans de alguén. Pero a esta altura, vinte anos de prisión afectaron ao seu equilibrio mental. Con todo, a pesar do misterio que o rodeaba, estaba conscienta da súa orixe imperial, e sempre era chamado Gosudar (o soberano). A pesar de que tiñan ordes de mantelo ignorante, permitíanlle ler as súas cartas e a súa biblia. Tampouco a súa residencia en Shlisselburgo podía permanecer oculta para sempre, e o descublimento da mesma sería a causa da súa ruína. Un subtenente, Vasily Mirovich, indagou sobre el, e ideou un plan para liberalo e proclamalo Tsar. Na medianoite do 5 de xullo de 1764, Mirovich persuadiu a un sector da guarnición, detivo ao comandante Berednikov, e esixiu a entrega de Iván. Os seus carcereiros finalmente asasinárono.