Issam Alnagm Azzam

Issam Alnagm Azzam, nado en Siria o 25 de xullo de 1948, é un médico e político galego do PPdeG.

Issam Alnagm Azzam
Nacemento	25 de xullo de 1948
	Siria
Nacionalidade	España
Ocupación	político
[ editar datos en Wikidata ]

Traxectoria

A súa traxectoria política empezou aos 16 anos en Siria, onde xa militaba nun partido. Chegou a España en 1968 para estudar Medicina. Matriculouse na Universidade de Santiago de Compostela e casou cunha compañeira de estudos. Chegou a Muras en 1989 como médico do Centro de Saúde. Presentouse ás eleccións municipais de 1991 en Muras encabezando a candidatura do PPdeG e foi elixido alcalde por maioría absoluta. Volveu ser elixido nas sucesivas eleccións, sempre con maioría absoluta, maioría que perdeu nas eleccións municipais de 2015. En 2016 foi acusado e condenado por inxurias ao alcalde do BNG Manuel Requeijo ao que acusou de quedar con cartos que eran para os xitanos.

Véxase tamén

Outros artigos

• Eleccións municipais en Muras

Ligazóns externas

• Noticia en El Progreso
• Entrevista en El Progreso