Iridoviridae
Iridoviridae | |||||||
---|---|---|---|---|---|---|---|
Clasificación científica | |||||||
| |||||||
Genera | |||||||
Iridoviridae é unha familia de virus con xenomas de ADN bicatenario.[1] Os hóspedes naturais destes virus son anfibios, peixes, invertebrados, entre os cales están, entre outros, os insectos lepidópteros e ortópteros. Hai actualmente 12 especies nesta familia, dividida en dúas subfamilias e 5 xéneros.[1][2]
Nomenclatura
editarO seu nome deriva do da deusa do arco da vella grega Iris, debido á iridescencia similar a aun arco da vella observada en insectos moi infectados e mostras en boliñas de iridovirus de invertebrados. Como nome común, iridovirus pode usarse para referirse a calquera membro da familia Iridoviridae ou só a un xénero determinado, o Iridovirus.
Taxonomía
editarGrupo: ADN bicatenario
- Familia: Iridoviridae
- Xénero: Chloriridovirus
- Invertebrate iridescent virus 3 (virus iridescente de invertebrados 3)
- Xénero: Iridovirus
- Invertebrate iridescent virus 1 (virus iridescente de invertebrados 1)
- Invertebrate iridescent virus 6 (virus iridescente de invertebrados 6)
- Xénero: Lymphocystivirus
- Lymphocystis disease virus 1 (virus da enfermidade de Lymphocystis 1)
- Xénero: Megalocytivirus
- Infectious spleen and kidney necrosis virus (virus da necrose infecciosa de riles e bazo)
- Xénero: Ranavirus
- Ambystoma tigrinum virus (Virus de Ambystoma tigrinum)
- Bohle iridovirus (Iridovirus Bohle)
- Epizootic haematopoietic necrosis virus (virus da necrose hematopoética epizoótica)
- European catfish virus (virus do siluro europeo)
- Frog virus 3 (virus da ra 3)
- Santee-Cooper ranavirus (ranavirus de Santee-Cooper)
- Singapore grouper iridovirus (iridovirus do mero Singapur)
Outra especie é o shrimp haemocyte iridescent virus (virus iridescente do hemocito de camarón).
Estrutura
editarOs virións desta familia son icosaédricos con número de triangulación (T) = 189–217, 120–350 nm de diámetro e están constituídos por tres dominios: unha cápside proteinácea externa, unha membrana lipídica intermedia e un núcleo ou core central que contén complexos ADN-proteína. Algúns dos virus teñen tamén unha envoltura externa. A presenza ou ausencia dunha envoltura depende de se estes se evaxinan da membrana celular (virus envoltos) ou están dispostos formando conxuntos paracristalinos dentro do citoplasma da célula hóspede e despois son liberados por lise celular (virus sen envoltura).
O xenoma linear varía en lonxitude entre as 150 e 303 quilobases. Contén secuencias terminais e redundantes e está permutado circularmente.
Os membros desta familia difiren no seu grao de metilación do xenoma. O xénero Chloriridovirus e Iridovirus carecen dun xenoma altamente metilado. Ao contrario, os membros dos xéneros Lymphocystivirus, Megalocytivirus e Ranavirus teñen xenomas cun 25% dos seus residuos de citosina metilados por unha ADN metiltransferase codificada polo virus.
Xénero | Estrutura | Simetría | Cápside | Arranxo xenómico | Segmentación xenómica |
---|---|---|---|---|---|
Lymphocystivirus | Poliédrico | T=189-217 | Linear | Monopartito | |
Megalocytivirus | Poliédrico | T=189-217 | Linear | Monopartito | |
Ranavirus | Poliédrico | T=133 ou 147 | Linear | Monopartito | |
Iridovirus | Poliédrico | T=147 | Linear | Monopartito | |
Chloriridovirus | Poliédrico | T=189-217 | Linear | Monopartito |
Expresión xénica
editarIgual que os virus herpes, a transcrición ocorre en tres etapas: inmediata-temperán, atrasada-temperán e tardía. Hai indución positiva e mecanismos de retroalimentación negativa en cada etapa, mediados por produtos das outras etapas.
Replicación
editarAs partículas víricas entran na célula e prodúcese a decapsidación. O ADN viral é transportado ao núcleo celular, onde é transcrito pola ARN polimerase II do hóspede modificada polo virus. Mentres, detense a síntese macromolecular do hóspede.
O ADN parental produce un xenoma que é despois o molde para a replicación no citoplasma. Fórmanse grandes concatémeros de ADN viral por recombinación no citoplsma. O empaquetamento dos novos xenomas nos virións ocorre no citoplasma e o virus é liberado por evaxinación desde a membrana da célula ou por lise.
Xénero | Detalles do hóspede | Tropismo de tecido | Detalles da entrada | Detales da liberación | Sitio de replicación | Sitio de ensamblaxe | Transmisión |
---|---|---|---|---|---|---|---|
Lymphocystivirus | Peixes | Ningún | Endocitose mediada por receptor celular | Lise; evaxinación | Núcleo | Citoplasma | Descoñecida |
Megalocytivirus | Peixes | Ningún | Endocitose mediada por receptor celular | Lise; evaxinación | Núcleo | Citoplasma | Descoñecida |
Ranavirus | Ras; serpes | Ningún | Endocirose mediada por receptor celular | Lise; evaxinación | Núcleo | Citoplasma | Contacto |
Iridovirus | Insectos | Ningún | Endocitose mediada por receptor celular | Lise; evaxinación | Núcleo | Citoplasma | Contacto |
Chloriridovirus | Dípteros con estados larvarios acuáticos, principalmente mosquitos | Ningún | Endocitose mediada por receptor celular | Evaxinación | Núcleo | Citoplasma | Descoñecida |
Patoxénese
editarSábese pouco sobre a patoxénese dos iridovirus. Porén, a patoxénese depende da temperatura, o que fai que os iridovirus estean confinados en hóspedes poiquilotermos e non poidan infectar hóspedes de "sangue quente".
Hóspedes
editarOs membros da familia Iridoviridae infectan principalmente invertebrados, pero tamén algunhas especies de vertebrados, como algúns peixes, anfibios e réptiles.
Notas
editar- ↑ 1,0 1,1 1,2 "Iridoviridae". ICTV Online (10th) Report (en inglés).
- ↑ "Viral Zone". ExPASy. Arquivado dende o orixinal o 26 de marzo de 2017. Consultado o 25 de abril de 2019.
Véxase tamén
editarLigazóns externas
editar- "MicrobiologyBytes: Iridoviruses". Arquivado dende o orixinal o 24 de febreiro de 2007. Consultado o 2007-03-06.
- "Viral Bioinformatics Resource Center & Viral Bioinformatics – Canada, University of Victoria". Arquivado dende o orixinal o 17 de agosto de 2007. Consultado o 2007-03-06.
- ICTV Online (10th) Report: Iridoviridae
- Viralzone: Iridoviridae Arquivado 13 de xuño de 2010 en Wayback Machine.