Intersindical Nacional dos Traballadores Galegos

A Intersindical Nacional dos Traballadores Galegos (INTG) foi un sindicato nacionalista galego que se formou en febreiro de 1981 tras a unión da ING e a CTG.

Intersindical Nacional dos Traballadores Galegos (INTG)
Sindicato de Galiza
Dirixentes e organización
Líder	Lois Ríos, 1º secretario xeral Xan Carballo, 2º secretario xeral
Filiación internacional	Federación Sindical Mundial
Historia
Fundación	1980
Disolución	1993
Precedido por	Intersindical Nacional Galega Confederación Sindical Galega
Sucedido por	Confederación Intersindical Galega
Posicións políticas
Ideoloxía	Nacionalismo galego Esquerda política Socialismo Anticapitalismo Marxismo
Outros datos
Sede	Santiago de Compostela

Historia

O proceso de unificación do sindicalismo nacionalista comezou o 3 de outubro de 1980 mediante á sinatura dun acordo entre a Intersindical Nacional Galega (ING) e a Central de Traballadores Galegos (CTG). O xaneiro de 1982 celebrou o primeiro Congreso, no que saíu elixido secretario xeral Lois Ríos. En 1982 integrouse nela a Confederación Sindical Galega e nas eleccións sindicais de 1982 conseguiu 1.649 delegados (18,5 %). En 1983 Xan Carballo saíu elixido novo secretario xeral. En maio de 1984 constituíuse a corrente interna, Converxencia Sindical Nacionalista, que era un sector próximo ao PSG-EG, que maioritariamente proviña da CTG e a CSG e que en 1985 escindiuse e constituíu a Confederación Xeral de Traballadores Galegos. Nas eleccións sindicais de 1986 a INTG conseguiu 1.067 delegados, quedando por baixo da CXTG.

En maio de 1987 celebrou o seu III Congreso que elixiu a Manuel Mera como secretario xeral nun ambiente de tensión que se reflectiu nas eleccións para o secretariado, centradas nas relacións coa CXTG, no que concorreron tres listas, a lista próxima ao BNG conseguiu 6 membros, a próxima a FPG 3 e a de APU 1.

En 1990 formou coa CXTG a Converxencia Intersindical Galega para concorreren as dúas en coalición ás eleccións sindicais, que en 1994, ao se uniren definitivamente, transformouse na Confederación Intersindical Galega (CIG).

Voceiros

O voceiro do sindicato era a publicación O Eixo. En marzo de 1986 saíu o primeiro número de Abrente, voceiro da Secretaría da Muller.

Galería de imaxes

• 
  Cartel anunciando unha palestra contra a entrada do Estado Español na OTAN, 1981.
• 
  Manifestación pola paz e o desarme, 1983.
• 
  Cartel polo 1 de maio de 1984.