Hipólito Suárez

procurador galego

Hipólito Suárez Guerra, nado na Coruña en xullo de 1907[1] e falecido en Madrid o 21 de marzo de 1980[2], foi un procurador galego represaliado pola súa militancia republicana.

Hipólito Suárez
Nacemento1907
 A Coruña
Falecemento21 de marzo de 1980
 Madrid
NacionalidadeEspaña
FillosAdolfo Suárez
editar datos en Wikidata ]

TraxectoriaEditar

Fillo de Hipólito Suárez, que vivía na rúa Real da Coruña. Aprobou os exames de procurador en 1935.[3] Era amigo de Claudio Sánchez Albornoz, e tiña coñecidas simpatías republicanas. Foi destinado á praza de secretario do xulgado de Cebreros (Ávila). Alí casou en 1936, e alí tamén o sorprendeu o golpe de Estado do 18 de xullo de 1936 co que se iniciou a Guerra Civil española. Agochouse pero foi descuberto e encarcerado. Xulgado, escapou da pena de morte grazas á intercesión de Severiano Martínez Anido, xeneral nacional ferrolán e ministro de Franco.[4]

Durante a posguerra acudía regularmente á Coruña a pasar os veráns.

Vida persoalEditar

Casou con Herminia González Pardo e foi pai de Adolfo Suárez, que acabou sendo presidente do goberno de España entre 1976 e 1981.

Está soterrado no cemiterio de San Amaro.

NotasEditar