Hipólito Suárez
Hipólito Suárez Guerra, nado na Coruña en xullo de 1907[1] e finado en Madrid o 21 de marzo de 1980[2], foi un procurador galego represaliado pola súa militancia republicana.
| Biografía | |
|---|---|
| Nacemento | 1907  A Coruña, España |
| Morte | 21 de marzo de 1980 (72/73 anos) Madrid, España |
| Datos persoais | |
| País de nacionalidade | España |
| Actividade | |
| Lingua | Lingua castelá |
| Familia | |
| Cónxuxe | Herminia González (en)  |
| Fillos | Adolfo Suárez |
| Parentes | Adolfo Suárez Illana (en) (neto) Sonsoles Suárez (pt) (neta (pt) )María Amparo Suárez Illana (en) (neta (pt) )Laura Suárez Illana (en) (neta (pt) )Francisco Javier Suárez Illana (en) (neto)Alejandra Romero Suárez (en) (great-granddaughter (en) ) |
Traxectoria editar
Fillo de Hipólito Suárez, que vivía na rúa Real da Coruña. Aprobou os exames de procurador en 1935.[3] Era amigo de Claudio Sánchez Albornoz, e tiña coñecidas simpatías republicanas. Foi destinado á praza de secretario do xulgado de Cebreros (Ávila). Alí casou en 1936, e alí tamén o sorprendeu o golpe de Estado do 18 de xullo de 1936 co que se iniciou a Guerra Civil española. Agochouse pero foi descuberto e encarcerado. Xulgado, escapou da pena de morte grazas á intercesión de Severiano Martínez Anido, xeneral nacional ferrolán e ministro de Franco.[4]
Durante a posguerra acudía regularmente á Coruña a pasar os veráns.
Vida persoal editar
Casou con Herminia González Pardo e foi pai de Adolfo Suárez, que acabou sendo presidente do goberno de España entre 1976 e 1981.
Está soterrado no cemiterio de San Amaro.
Notas editar
- ↑ Mediterráneo, 22-3-1980, 1 e 12.
- ↑ Funeral del padre de Adolfo Suárez
- ↑ "Exámenes para procuradores en la Audiencia" en El Pueblo Gallego, 26-5-1935, p. 10.
- ↑ La profunda huella coruñesa