Heinz Hoyer

Heinz Hoyer, nado en Elxleben, provincia de Dobrich, o 10 de xaneiro de 1953, é un escultor, deseñador e gravador de medallas, moedas alemán.

Heinz Hoyer
Heinz Hoyer coa súa esposa, Sneschana Russewa-Hoyer.
Nacemento	18 de xuño de 1949.
	Elxleben, Turinxia. Alemaña
Área	Deseño e gravado de moedas, medallas e selos.
Nacionalidade	Alemán.
Cónxuxe	Sneschana Russewa-Hoyer
Sinatura	Marca de gravador (HH) nunha moeda de 2 euros alemá.
[ editar datos en Wikidata ]

Traxectoria

Heinz Hoyer cursou estudos superiores de Escultura na Academia de Arte Weißensee de Berlín, entre 1970 e 1975. Alí coñeceu a artista búlgara Sneschana Russewa, estudante de Deseño Gráfico, con quen casou 1976.

A partir de 1977, Hoyer traballou como artista independente entre Bulgaria e Berlín, e en 1980 a parella instalouse definitivamente na República Democrática Alemá, onde Heinz comezou a traballar como deseñador de selos e moedas, ás veces en común coa súa muller e noutras ocasións de xeito independente. A partir de 1983, Heinz Hoyer comezou a impartir docencia na Academia Weißensee.

Entre 1983 e 1990, Heinz Hoyer deseñou 13 moedas conmemorativas da RDA, 12 delas xunto a súa muller Sneschana. Logo da reunificación alemá, Hoyer continuou a encargarse do deseño dalgunhas moedas conemmorativas da nova Alemaña unificada e, logomda creación da Eurozona, o matrimonio Hoyer foi elixido tamén polo Bundesbank para deseñar o anverso nacional das moedas alemás do euro con valores de un e de dous euros, que comezaron a emitirse en 2002. Igualmente, de xeito individual, Heinze Hoyer encargouse do deseño dunha boa cantidade de moedas conmemorativas do sistema do euro.

Escolma de obras

Selos

• 
  Selo da RDA (1986)
• 
  Selo da RDA (1986)
• 
  Selo da RDA (1986)

Moedas

• 
  Euro alemán (2002).
• 
  Moeda alemá de 100 euros (2006).

Véxase tamén

Bibliografía

• Steguweit, W. (2014). "Zeitgenössische Künstler in ihrem numismatischen und philatelistischen Umfeld. 3.Sneschana Russewa-Hoyer und Heinz Hoyer". En Numismatisches Nachrichtenblatt. 63. Marzo.

Outros artigos

• Lista de deseñadores de moedas de euro