Guillermo Santos Caride
Guillermo Santos Caride, coñecido como Quique, nado en Lavadores en 1913 e finado en Vigo o 15 de decembro de 1941, foi un guerrilleiro antifranquista galego.
| Guillermo Santos Caride | |
|---|---|
| Alcume | Quique |
| Nacemento | 1913 |
| Lugar de nacemento | Vigo |
| Falecemento | 15 de decembro de 1941 |
| Lugar de falecemento | Vigo |
| Nacionalidade | España |
| Ocupación | membro da resistencia |
| [ editar datos en Wikidata ] | |
Traxectoria editar
Fundidor domiciliado no barrio de Naya de Lavadores. Co golpe de Estado do 18 de xullo de 1936 foi chamado a filas e desertou e estivo fuxido. Reclamado por requisitoria en xuño de 1937 xunto con Roberto Oya Alonso, Álvaro Ballesteros Estévez, Eugenio González Fernández, Abraham Lloriente Sánchez, Fermín Pais Alonso e outros veciños de Lavadores fuxidos,[1] foi declarado en rebeldía. Membro do grupo de José García Morales e o seu irmán. O seu irmán Jaime Santos Caride, de 15 anos, morreu nun enfrontamento coa Garda Civil o 10 de febreiro de 1938. Presentouse en 1939 ante o gobernador civil de Pontevedra Manuel Gómez Cantos. Volveu ao monte ante o temor a ser detido. En xullo de 1940 foi procesado por atraco e roubo con Amador García Coco e Manuel Rodríguez Fernández.[2] Decidiu vender aos seus antigos compañeiros, caendo pola súa delación Julio Guillén Biel e Jesús Lago González. A pesar diso foi xulgado en Vigo por rebelión militar e condenado a pena de morte. Foi fusilado no castelo do Castro de Vigo o 15 de decembro de 1941.
Notas editar
Véxase tamén editar
Bibliografía editar
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. p. 127. ISBN 84-8485-231-8.
Ligazóns externas editar
- Guillermo Santos Caride na páxina web Nomes e Voces.