Gerd Kanter
Gerd Kanter, nado en Tallinn o 6 de maio de 1979, é un atleta estoniano, especialista en lanzamento de disco.
  | |
| Biografía | |
|---|---|
| Nacemento | 6 de maio de 1979 (44 anos) Talín, Estonia |
| Datos persoais | |
| País de nacionalidade | Estonia |
| Altura | 196 cm |
| Peso | 120 kg |
| Actividade | |
| Ocupación | atleta |
| Nacionalidade deportiva | Estonia |
| Deporte | atletismo |
| Disciplina deportiva | Lanzamento de disco |
| Participou en | |
| 2016 | Atletismo nos Jogos Olímpicos de Verão de 2016 (pt)  |
| 2012 | Xogos Olímpicos de 2012 |
| 2008 | Xogos Olímpicos de 2008 |
| 2004 | Xogos Olímpicos de 2004 |
Premios
| |
  | |
Traxectoria deportiva editar
Con 25 anos conseguiu a mínima para participar nos Xogos de Atenas de 2004, pero daquela non puido meterse na final. Ao ano seguinte, en 2005, foi cando pasou á primeira plana do disco mundial, cando conseguiu a medalla de prata nos mundiais de Helsinqui, cando gañou a final mundial da IAAF, cando se impuxo nunha proba da Copa de Europa e cando venceu tamén na Universíada. Ademais, superou a fronteira dos 70 metros tamén por primeira vez nese ano.
O 4 de setembro de 2006 manda o disco a 73,38 m, conseguindo a terceira mellor marca da historia por detrás dos rexistros do alemán oriental Jürgen Schult (74,08 m en 1986) e do lituano Virgilijus Alekna (73,88 m en 2000), e está considerado a maior esperanza para bater a histórica marca de Schult. O 28 de agosto de 2007 proclamouse campión do mundo en Osaca cun lanzamento de 68,94 m.
| Predecesor: Virgilijus Alekna |
 Campión do mundo de atletismo disco 2007 en Osaca |
Sucesor: - |
O seu adestrador é o islandés Vésteinn Hafsteinsson.
Palmarés editar
- Campión do mundo de lanzamento de disco (2007)
- Subcampión do mundo de lanzamento de disco (2005)
- Campión universitario de lanzamento de disco (2005) (Universiada de Esmirna)
- Subcampión europeo de lanzamento de disco (2006)
- Finalista europeo de lanzamento de disco (2002), 12º