Fred Hampton
Fred Hampton, nado en Summit o 30 de agosto de 1948 e finado en Chicago o 4 de decembro de 1969, foi un revolucionario e activista socialista estadounidense.[1] Presidente do Black Panther Party (BPP) en Illinois e vicepresidente do BPP a nivel nacional, foi asasinado polo FBI e a policía de Chicago no seu sono.
Biografía | |
---|---|
Nacemento | 30 de agosto de 1948 Summit, Estados Unidos de América (pt) |
Morte | 4 de decembro de 1969 (21 anos) Chicago, Estados Unidos de América |
Causa da morte | Ferida por arma de fogo |
Datos persoais | |
País de nacionalidade | Estados Unidos de América |
Educación | Proviso East High School (en) Triton College (en) |
Actividade | |
Ocupación | activista , Activista polos dereitos humanos , político , activista social |
Período de actividade | 1966 - |
Partido político | Panteras Negras |
Membro de | |
Lingua | Lingua inglesa |
Familia | |
Cónxuxe | Akua Njeri |
Fillos | Fred Hampton, Jr. (en) |
Traxectoria editar
Como líder do BPP, fundou unha importante organización política multicultural coñecida como Rainbow Coalition, creando unha alianza entre as grandes bandas de rúa para rematar coas súas loitas entre si e traballar polo cambio social.
Debido ao seu forte liderado, o FBI identificou a Hampton en 1967 como unha ameaza radical e comezou a tentar subverter as súas actividades en Chicago, sementando desinformación entre estes grupos e colocando unha operación de contraespionaxe sobre os Panthers locais. En decembro de 1969, unha unidade táctica da Fiscalía do Condado de Cook, xunto co Departamento de Policía de Chicago e o FBI, mataron a Hampton na súa cama durante unha redada antes do amencer no seu apartamento, Chicago. Durante a mesma, outra pantera, Mark Clark, tamén morreu e varias resultaron feridas de gravidade. En xaneiro de 1970, o xurado dun forense realizou unha investigación e decidiu que a morte de Hampton e Mark Clark era un homicidio xustificado.[2] [3] [4]
Posteriormente presentouse unha demanda civil en nome dos superviventes e das familias de Hampton e Mark Clark. Finalmente saldouse en 1982 por unha liquidación de 1,85 millóns de dólares; a cidade de Chicago, o condado de Cook e o goberno federal pagaron cada un un terzo a un grupo de nove demandantes. Dadas as revelacións sobre o programa ilegal COINTELPRO e os documentos asociados cos asasinatos, a morte de Hampton é agora considerada polos estudosos como un asasinato baixo a iniciativa do FBI. [5] [6] [7]
Na cultura popular editar
- Parte da vida activa de Hampton aparece retratada na película Judas and the Black Messiah (2021), con Daniel Kaluuya no papel de Hampton, que gañou o Oscar ao mellor actor secundario pola súa interpretación.
- Na comedia de Netflix You People (2023), Eddie Murphy aparece cunha camiseta coa frase "FRED HAMPTON WAS MURDERED" (Fred Hampton foi asasinado).
Notas editar
- ↑ The Assassination of Fred Hampton. Lawrence Hill. 2010. p. 4. ISBN 9781569767092.
- ↑ "Panther Inquest Backs Police" (PDF). Chicago. 22 de xaneiro de 1970.
- ↑ Rutberg, Susan (6 de decembro de 2017). "Nothing but a Northern Lynching: The Death of Fred Hampton Revisited".
- ↑ Thamm, Natalie (7 de abril de 2019). "Murder or “Justifiable Homicide”?: The Death of the Revolutionary Fred Hampton". Arquivado dende o orixinal o 20 de outubro de 2019. Consultado o 29 de xaneiro de 2023.
- ↑ Ethics Along the Color Line (en inglés). Cornell University Press. 31 de maio de 2018. pp. 60–61. ISBN 9781501717703.
- ↑ Days of Rage: America's Radical Underground, the FBI, and the Forgotten Age of Revolutionary Violence (en inglés). Penguin Publishing Group. 2016. pp. 84–85. ISBN 9780143107972.
- ↑ "In 1969, Charismatic Black Panthers Leader Fred Hampton Was Killed in a Hail of Gunfire. 50 Years Later, the Fight Against Police Brutality Continues". 3 de decembro de 2019.
Véxase tamén editar
Wikimedia Commons ten máis contidos multimedia na categoría: Fred Hampton |