Frank Casañas
Yennifer Frank Casañas Hernández, nado o 18 de outubro de 1978 en Guanabacoa (A Habana, Cuba), é un atleta olímpico galego, lanzador de disco. Participou en cinco Xogos Olímpicos (Sydney 2000, Atenas 2004, Pequín 2008, Londres 2012 e Río 2016).
  | |
| Biografía | |
|---|---|
| Nacemento | (es) Yennifer Frank Casañas Hernández 18 de outubro de 1978 (45 anos)A Habana, Cuba |
| Datos persoais | |
| País de nacionalidade | Cuba España |
| Altura | 187 cm |
| Peso | 117 kg |
| Actividade | |
| Ocupación | atleta |
| Lingua | Lingua castelá |
| Deporte | atletismo |
| Disciplina deportiva | Lanzamento de disco |
| Participou en | |
| 2016 | Atletismo nos Jogos Olímpicos de Verão de 2016 (pt)  |
| 2012 | Xogos Olímpicos de 2012 |
| 2008 | Xogos Olímpicos de 2008 |
| 2004 | Xogos Olímpicos de 2004 |
| 2000 | Xogos Olímpicos de 2000 |
| Páxina web | frankcasanas.com |
  | |
Traxectoria editar
Comezou no atletismo en Cuba, onde acadou postos importantes, como o campionato de Cuba de lanzamento de disco, tanto en categoría júnior como en categoría absoluta. En 1996 obtivo a medalla de bronce no Campionato do Mundo Júnior, que se celebrou en Sydney. Dous anos máis tarde, en 1998 foi prata nos Xogos Centroamericanos e do Caribe celebrados en Maracaibo, medalla que repetiu nos Xogos Panamericanos de 2003, celebrados en Santo Domingo.
Durante ese tempo foi seleccionado por Cuba para participar nos Xogos Olímpicos. En 2000 debutou nos Xogos Olímpicos de Sydney e en 2004 repetiu a súa presenza nos Xogos de Atenas. Nas dúas ocasións quedou eliminado na fase clasificatoria, sen pasar á final. En 2003 e en 2005 clasificouse para os Mundiais de Atletismo, celebrados respectivamente en París e Helsinqui, mais en ningunha desas ocasións chegou á final.
Á volta dos mundiais de Helsinqui desertou do equipo cubano e buscou refuxio en España ao facer o avión escala en Madrid. De alí mudouse á Coruña. Tres anos máis tarde, en 2008 casou en Galicia e pasou a competir coa nacionalidade española. Coa selección española participou nos Xogos Olímpicos de Beijing, en 2008, onde quedou quinto clasificado, que é o mellor posto acadado nunca por un lanzador galego nuns Xogos Olímpicos. Ao ano seguinte, en 2009, participou nos Mundiais de Berlín, onde tampouco chegou á final; en 2011, en Daegu, aínda que foi convocado pola selección española non chegou a competir.
Tamén participou nos Xogos Olímpicos de Londres en 2012, onde obtivo unha sétima praza, que foi seguida pola novena posición nos Mundiais de atletismo de Moscova en 2013.
Foi ademais catro veces campión de Galicia, en 2013, 2015, 2017 e 2019,[1] e está en posesión do récord galego de lanzamento de disco, con 65,32 metros.[2]
A súa adestradora é Valentina Fedjuschina. O seu club é o Club Atletisme Castelló.
Vida persoal editar
É o home da tamén lanzadora galega Dolores Pedrares. Despois de vivir na Coruña e en Tui, na actualidade vive en Pontevedra.
Notas editar
- ↑ "Campións galegos de atletismo ao aire libre" (PDF). atletismo.gal. Consultado o 14 de marzo de 2021.
- ↑ "Récords de Galicia". atletismo.gal. Consultado o 14 de marzo de 2021.
Véxase tamén editar
Ligazóns externas editar
Wikimedia Commons ten máis contidos multimedia na categoría: Frank Casañas  |
- Perfil do atleta na web da IAAF.
- Conta en Twitter do atleta.