Francisco Paz Fornos
Francisco Paz Fornos, coñecido como Paco, nado en Laraxe (Cabanas) cara a 1916 e finado en Fiúnte (Cabalar, A Capela) en maio de 1951, foi un guerrilleiro antifranquista galego.
| Biografía | |
|---|---|
| Nacemento | 1916  Laraxe, España |
| Morte | maio de 1951 (34/35 anos) Fiúnte, España |
| Datos persoais | |
| Outros nomes | Paco |
| País de nacionalidade | España |
| Actividade | |
| Ocupación | membro da resistencia |
Traxectoria editar
Fillo de Francisco Paz e Manuela Fornos. Logo do golpe de Estado do 18 de xullo de 1936 sufriu expediente de responsabilidades políticas en 1943.[1] Reclamado polo xuíz militar de Santiago de Compostela en novembro de 1948 procesado na causa 546/48 xunto con José María Castelo Mosquera, Manuel Ramiro Souto e Emilio Pérez Vilariño.[2][3] Participou en varios golpes económicos como o do 22 de marzo de 1949 na casa de Ramón Leira balsa na Mediña ou o do 31 de maio na casa de Hermenegildo Sanjuan Varela con Pancho e Riqueche. Estivo presente no axustizamento da guerrilleira Josefa Ramiro Santos. Volveu ser reclamado polo xuíz militar da Coruña en xullo de 1949 encartado na causa 201/49 xunto con Francisco Martínez Leira,[4] e polo de Ferrol en setembro de 1949 encartado na causa 190/49 por atraco a man armada en Monfero o 31 de maio dese ano xunto con Adolfo Allegue Allegue e Francisco Martínez Leira.[5] Enfermo, finou na cova refuxio de Fiúnte a finais de maio de 1951.
Notas editar
- ↑ BOE, 22-2-1943, p. 703.
- ↑ La Noche, 17-11-1948, p. 3.
- ↑ Faro de Vigo, 19-11-1948, p. 4.
- ↑ La Voz de Galicia, 16-11-1949, p. 2.
- ↑ BOE, 2-9-1949, p. 1863.
Véxase tamén editar
Bibliografía editar
- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 319–320. ISBN 978-84-1176-172-7.