Francisco Fraga García

Para outras páxinas con títulos homónimos véxase: Francisco Fraga.

Francisco Fraga García, coñecido como Coducho, nado en Betanzos cara a 1908 e finado na Coruña o 24 de novembro de 1936, foi un camareiro e sindicalista galego.

Francisco Fraga García

Biografía
Nacemento	1908 Betanzos, España
Morte	24 de novembro de 1936 (27/28 anos) A Coruña, España
Datos persoais
País de nacionalidade	España
Actividade
Ocupación	camareiro , sindicalista
Familia
Parentes	Antonio Fraga Mandián (neto)

Traxectoria

Camareiro do Café Barreiro de Betanzos, pertencía ao Sindicato de Oficios Varios da CNT no que foi vogal en 1934. Co golpe de Estado do 18 de xullo de 1936 foi detido pola Garda Civil o 22 de xullo xunto con José Naveira García e José Camba Chas nas proximidades de Palavea, cando viaxaban nun automóbil requisado, incautándolles diversas armas. Acusado de tenencia de explosivos e rebelión na causa 118/36, foi xulgado en consello de guerra na Coruña o 14 de novembro, e condenado a pena de morte. Foi fusilado na Coruña o 24 de novembro de 1936. José Camba foi condenado a cadea perpetua na mesma causa, e José Naveira foi posto en liberdade.

Vida persoal

Casou con Julia Fraga Vázquez e foi pai de Francisco, José, Julio e Antonio Fraga Fraga.

Véxase tamén

Bibliografía

• Torres Regueiro, Xesús (2006). "1936-1939 As vítimas betanceiras da represión" (PDF). Anuario Brigantino (29): 273–318. 

Ligazóns externas

• Francisco Fraga García na páxina web Nomes e Voces.