Francisco Cacharro Gosende
Francisco Cacharro Gosende, nado en Lugo en 1971, é un político galego que ten integrado diversos partidos.
| Biografía | |
|---|---|
| Nacemento | 1971  (52/53 anos)Lugo, España |
| Datos persoais | |
| País de nacionalidade | España |
| Educación | Universidade Autónoma de Madrid - dereito |
| Actividade | |
| Ocupación | político |
| Partido político | Partido Popular (–2008) Unión, Progreso y Democracia Partido Libertario |
| Lingua | Lingua castelá |
| Familia | |
| Pai | Francisco Cacharro Pardo |
Traxectoria editar
Fillo do mandatario do PPdeG Francisco Cacharro Pardo, Cacharro Gosende licenciouse en Dereito pola Universidade Autónoma de Madrid. Xa afiliado ao Partido Popular, aprobou unha oposición para ser funcionario do estado. En paralelo, aprobaba outra oposición, neste caso de técnico da Deputación de Ourense, en 1998, que foi posteriormente anulada logo dunhas reclamacións[1]. Cacharro Gosende accedeu, en virtude da súa cualificación como funcionario do estado, á praza de vicesecretario xeral da Deputación de Ourense en 2003, unha praza de nova creación. En 2004 accedeu á secretaría xeral logo da xubilación do anterior titular[2].
En 2008 abandonou o Partido Popular e afiliouse a UPyD, formación da que se converteu nun dos rostros visibles na provincia de Lugo. Meses despois abandonaría UPyD para ingresar no Partido de la Libertad Individual (P-Lib), do que foi elixido secretario xeral en 2010[3].
Vida persoal editar
Casou con Sonia Rielo en 1999.[4]
Notas editar
- ↑ Si los cuatro consiguen notas elevadas, el tribunal prevaricaría no aprobándolos, Faro de Vigo, 19/3/2010.
- ↑ Los mejor pagados Arquivado 13/01/2011, en Wayback Machine., La Voz de Galicia, 8/1/2011.
- ↑ Acta del I Congreso del Partido de la Libertad Individual (P-Lib) Arquivado 17 de abril de 2016 en Wayback Machine., web do P-Lib.
- ↑ La Voz de Galicia, Lugo, 9-5-1999, p. 54.