Partido Libertario
O Partido Libertario (P-Lib), é un partido libertario de España.
| Partido Libertario | |
|---|---|
| Acrónimo | P-LIB |
| Tipo | partido político |
| Ideoloxía | libertarianismo, anarcocapitalismo, Laissez-faire e Republicanismo |
| Data de fundación | 2 de xullo de 2009 |
| Sede | Madrid |
| País | España |
| Na rede | |
| https://p-lib.es | |
    | |
| [ editar datos en Wikidata ] | |
Historia editar
Constituíse como Partido de la Libertad Individual o 2 de xullo de 2009 e inscribiuse como partido político o 10 de agosto daquel mesmo ano. No seu primeiro congreso, o P-Lib escolleu a Juan Pina como o seu presidente e o lugués Francisco Cacharro Gosende como o seu secretario xeral[1]. A súa primeira convocatoria electoral foron as eleccións xerais de 2011, onde presentou candidatura nas circunscricións de Zaragoza e Madrid. En 2014 adoptou o seu actual nome.
Ideoloxía editar
A formación defínese como libertaria, mais segue unha postura liberal no económico, aliñada coa Escola Austríaca de Economía de Friedrich Hayek e Ludwig von Mises. Avoga por unha drástica redución das competencias das administracións públicas e o seu traslado á sociedade civil, e por unha devolución ao cidadán do poder para tomar as súas propias decisións coa mínima intervención do Estado.[2] Ten posturas tamén liberais no social: legalización das drogas, separación total entre relixión e Estado, respecto total cara á vida privada dos individuos etc. Aposta por un estado federal e critica por igual o nacionalismo español e os nacionalismos galego, catalán ou vasco[3].
Notas editar
- ↑ Acta del I Congreso del Partido de la Libertad Individual (P-Lib) Arquivado 17 de abril de 2016 en Wayback Machine., web do P-Lib.
- ↑ "Ideas políticas do P-Lib". Arquivado dende o orixinal o 03 de novembro de 2011. Consultado o 18 de outubro de 2011.
- ↑ Diferencias entre el P-Lib y los otros partidos Arquivado 28 de outubro de 2011 en Wayback Machine., web do partido.