Félix Zubizarreta
Félix Zubizarreta Ezpeleta, nado en Bilbao o 3 de maio de 1894[1] e finado en Caracas en 1943, foi un futbolista vasco. Xogaba de dianteiro e a súa breve carreira como futbolista transcorreu de xeito íntegro no Athletic Club.
Zubizarreta | |||
---|---|---|---|
Información persoal | |||
Nome | Félix Zubizarreta Ezpeleta | ||
Nacemento | 3 de maio de 1894 | ||
Lugar de nacemento | Bilbao | ||
Falecemento | 1943 | ||
Lugar de falecemento | Caracas | ||
Posición | Dianteiro | ||
Carreira sénior | |||
Anos | Equipos | Aprs | (Gls) |
1914–1917 | Athletic Club | 25 | (17) |
Partidos e goles só en liga doméstica. [ editar datos en Wikidata ] | |||
Foi avó do futbolista venezolano Iker Zubizarreta, que tivo unha actuación destacada nos Xogos Olímpicos de 1980 en Moscova.
Traxectoria
editarZubizarreta foi un destacado dianteiro do Athletic Club entre 1914 e 1917. Debutou o 18 de xaneiro de 1914, marcando cinco goles na vitoria por 12-0 contra o Irún Sporting do Campionato Rexional do Norte, converténdose así no primeiro xogador en marcar cinco goles nun partido oficial co equipo vasco, ademais de lograr o primeiro triplete no estadio de San Mamés que fora inaugurado cinco meses antes.[2]
O 2 de maio de 1915 marcou un dos goles do seu equipo na final da Copa do Rei contra o RCD Espanyol (5-0) e un ano despois fixo un hat-trick na final contra o Real Madrid (4-0).[3] Na súa etapa como xogador rojiblanco, acadou 27 goles en só 29 partidos oficiais, a pesar de coincidir con outro gran goleador como Pichichi.[4] Gañou tres Campionatos Rexionais do Norte e tres Copas do Rei. A pesar dos seus bos números goleadores era constantemente criticado pola afección do Athletic e a súa paciencia esgotouse nun encontro amigable contra o Real Madrid (o primeiro do equipo madrileño en San Mamés), no que foi apupado dende a bancada, polo que decidiu abandonar o terreo de xogo e non volver xogar nunca máis.[4]
Dedicouse entón a estudar e durante a Guerra Civil foi nomeado xefe de recrutamento do goberno vasco. O seu cargo e a súa ideoloxía nacionalista vasca fixeron que tivera que exiliarse en Venezuela, xunto á súa muller Juanita Torre e os seus nove fillos. No país caribeño rexentou un negocio de madeira, ata que morreu en Caracas aos 49 anos.[4] O seu neto Iker Zubizarreta foi tamén futbolista.[5]
Notas
editar- ↑ "Árbore xenealóxica de Félix Zubizarreta Ezpeleta" (en inglés). Consultado o 25 de setembro de 2021.
- ↑ "Athletic Club VS Irun Sporting 18/1/1914 | Athletic Club Website Oficial". athletic-club.eus (en castelán). Consultado o 25 de setembro de 2021.
- ↑ "Los dueños de la Copa" (en castelán). 11 de maio de 2015. Consultado o 25 de setembro de 2021.
- ↑ 4,0 4,1 4,2 "La retirada de Félix Zubizarreta" (en castelán). Consultado o 25 de setembro de 2021.
- ↑ Zarrabeitia, Baigorri Argitaletxea (5 de agosto de 2015). "Iker Zubizarreta: el nieto de león que pudo ser cachorro" (en castelán). Consultado o 25 de setembro de 2021.
Véxase tamén
editarLigazóns externas
editar- Datos do xogador no sitio web oficial do Athletic Club (en castelán).
- Datos do xogador en BDFutbol (en castelán).