Eva Wilma
Eva Wilma Riefle Buckup Zarattini, nada en São Paulo o 14 de decembro de 1933 e finada o 15 de maio de 2021 foi unha actriz e bailarina brasileira. Traballou en teatro, cine e televisión. Entre os seus papeis destacados, protagonizou a serie de televisión brasileira dos anos 50 Alô, Doçura!.[1] Eva Wilma opúxose á ditadura militar brasileira e manifestouse contra a censura e a represión do réxime após o asasinato dun estudante, protagonizando unha emblemática fotografía de artistas contra a ditadura.[2]
  | |
| Biografía | |
|---|---|
| Nacemento | 14 de decembro de 1933 São Paulo, Brasil |
| Morte | 15 de maio de 2021 (87 anos) São Paulo, Brasil |
| Causa da morte | Morte natural (Cancro de ovario ) |
| Datos persoais | |
| Residencia | São Paulo |
| País de nacionalidade | Brasil |
| Actividade | |
| Ocupación | actriz , actriz de televisión |
| Período de actividade | 1952 - 2019 |
| Lingua | Lingua portuguesa |
| Familia | |
| Cónxuxe | Carlos Zara (1979–2002), morte do cónxuxe John Herbert (1955–1976), divorcio |
Premios
| |
   | |
Traxectoria editar
Primeiros anos editar
O seu pai, Otto Riefle Jr, era un metalúrxico da rexión da Selva Negra de Pforzheim, preto de Stuttgart, no sur de Alemaña. Marchou a Brasil, máis precisamente á cidade de Río de Xaneiro en 1929, con 19 anos, para traballar nunha empresa metalúrxica. A nai de Eva Wilma, Luísa Carp, naceu en Bos Aires, era filla de xudeus rusos e ucraínos que emigraran a Arxentina.[3] Os pais de Eva coñecéronse na cidade de São Paulo cando o pai de Eva foi trasladado á cidade, e a súa nai, despois de vivir en Bos Aires, trasladouse a Brasil.[4]
Carreira editar
Comezou a súa carreira como bailarina clásica aos catorce anos. Tomou clases de patinaxe sobre xeo e foi contratada para participar en Holliday On Ice, un dos maiores festivais de patinaxe sobre xeo do mundo, pero os seus pais prohibíronllo. Pronto pasou a formar parte do São Paulo Ballet, de Maria Oleneva e logo comezou a carreira como actriz de teatro. Traballou no Teatro de Arena, actuando en obras como Judas o sábado de Aleluia, Uma Mulher e Três Palhaços e Boeing-Boeing. No cine, participou en filmes como Uma Pulga na Balança, O Homem dos Papagaios, Chico Viola Não Morreu e São Paulo S/A. Na televisión, debutou en 1953 na serie Namorados de São Paulo e posteriormente protagonizou Alô, Doçura xunto a John Herbert, serie que entrou no Libro Guinness como a máis longa do país. A parella, televisiva e na vida real, tamén protagonizou telenovelas brasileiras como Comédia Carioca e Prisoneiro de um Sonho. Eva Wilma e John Herbert foron unha das parellas máis queridas da televisión brasileira nos anos 50 e 60.
Durante a ditadura militar participou na folga dos teatros, opúxose ao réxime e manifestouse contra a represión e a censura.[2] Nos inicios da ditadura (1965) actuou en São Paulo, Sociedade Anônima, escollido como o candidato do Brasil para o Oscar ao mellor filme en lingua non inglesa na 38ª edición dos premios, mais finalmente non foi nomeado.[5] Eva Wilma foi galardoada con numerosos premios na súa carreira, como o Prêmio Saci e o Molière á mellor actriz entre outros.
Vida persoal editar
Estivo casada durante 23 anos co actor John Herbert,[1] co que tivo dous fillos, Vivian e John Jr., e deles cinco netos. Máis tarde casou co actor Carlos Zara, con quen non tivo fillos.
Pasamento editar
Eva Wilma faleceu aos 87 anos en São Paulo, o 15 de maio de 2021, no Hospital Albert Einstein, de cancro de ovario.[6]
Filmografía editar
| Ano | Título | Rol | Notas |
|---|---|---|---|
| 1953 | Uma pulga... | ||
| 1953 | O Homem Dos Papagaios | ||
| 1953 | O Craque | Elisa | |
| 1954 | A Sogra | ||
| 1955 | Chico Viola Não Morreu | ||
| 1958 | O Cantor e o Milionário | Laura | |
| 1960 | Cidade Ameaçada | Terezinha | |
| 1962 | The Fifth Power | Laura Leal | |
| 1963 | A Ilha | ||
| 1963 | Murder in Rio | Leila | |
| 1965 | São Paulo, Sociedade Anônima | Luciana | |
| 1967 | Juego peligroso | Lucía | (capítulo "Divertimento") |
| 1969 | Topaz | Rosita Gómez | Non acreditada |
| 1970 | A Arte de Amar Bem | Inês | (capítulo "A Inconfidência de Ser Esposa") |
| 1973-1974 | Segredos de Areia | Ruth / Raquel | TV serie |
| 1975 | Cada um Dá o que Tem | (capítulo "Cartão de Crédito") | |
| 1980 | Asa Branca: Um Sonho Brasileiro | Mãe de Asa Branca | |
| 1981 | Ciranda de Pedra | Laura Prado | TV serie |
| 1983 | O Menino Arco-Íris | ||
| 1987 | Feliz Ano Velho | Lúcia | |
| 1992 | Pedra sobre Pedra | Hilda Pontes | TV serie |
| 1995 | História de Amor | Zuleika Viana Sampaio | TV serie |
| 1997 | A Indomada | Maria Altiva Pedreira de Mendonça e Albuquerque | 203 episodios |
| 2002 | Esperança | Rosa | TV serie |
| 2004-2005 | Começar de Novo | Lucrécia | 159 episodios |
| 2006 | Veias e Vinhos - Uma História Brasileira | ||
| 2007 | The Sign of the City | Adélia | |
| 2007-2008 | Desejo Proibido | Cândida | 120 episodios |
| 2010 | A Guerra dos Vizinhos | Adélia | |
| 2011-2012 | Fina Estampa | Maria Íris Siqueira De Maciel | TV serie |
| 2015 | Verdades Secretas | Fábia | 48 episodios |
| 2018 | O Tempo Não Para | Petra Vaisánen | 22 episodios, (aparición final) |
Notas editar
- ↑ 1,0 1,1 "ALÔ DOÇURA! - Eva Wilma e John Herbert (TV Tupi, 1953-1964)". Consultado o 2023-05-02.
- ↑ 2,0 2,1 "Eva Wilma: Atriz falou sobre foto emblemática em protesto contra ditadura". www.uol.com.br (en portugués). Consultado o 2023-05-02.
- ↑ "Eva Wilma, Arte e Vida" (PDF). web.archive.org; Wayback Machine. 2019-02-19. Archived from the original on 19 de febreiro de 2019. Consultado o 2023-05-02.
- ↑ "Gente: notícias, fotos e vídeos de famosos, celebridades, entretenimento e mais.". iG (en portugués). Consultado o 2023-05-02.
- ↑ Margaret Herrick Library, Academy of Motion Picture Arts and Sciences
- ↑ "Eva Wilma morre aos 87 anos em SP". G1 (en portugués). Consultado o 2023-05-02.
Véxase tamén editar
| A Galipedia ten un portal sobre: Cine |
Wikimedia Commons ten máis contidos multimedia na categoría: Eva Wilma  |
Ligazóns externas editar
- Eva Wilma na IMDb (en inglés).
- Eva Wilma, sitio oficial