Eurocopter AS532 Cougar
O Eurocopter AS532 Cougar (no presente Airbus Helicopters H215M) é un helicóptero militar multipropósito medio de dous motores desenvolvido por Francia. O AS532 é un desenvolvemento e mellora do Aérospatiale SA 330 Puma na súa forma militarizada. O seu equivalente civil é o Eurocopter AS332 Super Puma. O AS532 foi desenvolvido posteriormente como o Eurocopter EC725.
| Eurocopter AS532 Cougar | |
|---|---|
.jpg) AS532 do exército francés | |
| Tipo | helicóptero militar utilitario medio |
| Fabricante | Aérospatiale, Eurocopter, Airbus Helicopters |
| Primeiro voo | setembro de 1977 |
| Introducido | 1978 |
| Produción | 1977-presente |
| Variantes | Eurocopter AS332 Super Puma |
Deseño e desenvolvemento editar
O AS332 Super Puma, deseñado como unha versión máis grande para substituír o SA 330 Puma, voou por vez primeira en setembro de 1977. Foi equipado con dous motores turboeixo de 1 330 kW Turbomeca Makila 1A1, palas do rotor de materiais compostos, e un tren de aterraxe e unha cola modificados.
En 1990 a designación de todos os Super Puma militares cambiou de AS 332 a AS 532 Cougar para facer unha distinción entre as variantes civís e militares do helicóptero.
Canadá considerou mercar o Cougar para substituír os seus CH-113 Labrador, pero finalmente optou por mercar o CH-149 Cormorant. En 2012 Francia iniciou un proxecto de 288,8 millóns de euros para actualizar 23 Cougar do Exército e 3 da Forza Aérea para abordar os problemas de obsolescencia e equipar con aviónicas semellantes aos seus helicópteros EC225 e EC725.[1]
Variantes editar
AS532 UL/AL
- O AS 532 UL/AL é a versión longa da familia Cougar e está impulsada por dous motores turboeixo Turbomeca Makila 1A1. Leva 2 tripulantes e ata 29 soldados ou 6 feridos en padiolas xunto con 10 pasaxeiros máis. Ao igual que as outras versións do Cougar, o AS 532 UL/AL pode levantar 4,5 toneladas mediante unha eslinga. O sistema de vixilancia do campo de batalla Horizon pode instalarse no AS 532 UL (utility version). O AS 532 AL (armed version) tamén pode equiparse con varias armas, como canóns de 20 mm, foguetes de 68 mm ou metralladoras.[2]
AS532 SC
- O AS 532SC é a versión naval da familia Cougar e está impulsado por dous motores Turbomeca Makila 1A1. Esta versión é usada principalmente para unidades de guerra anti-superficie equipada con mísiles AM 39 Exocet, guerra anti-submarina con sónar de profundidade e torpedos, busca e rescate, e patrulla marítima.[2]
AS535
- Versión de busca e rescate de combate do exército francés.
Operadores editar
Eurocopter AS532UL Cougar Mk1 da Forza Aérea de Suíza 
España
Notas editar
- ↑ "Projet de loi de finances pour 2013 : Défense : équipement des forces". Senado de Francia. Consultado o 3 de novembro de 2018.
- ↑ 2,0 2,1 Endres and Gething 2005, p. 487
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 3,18 "World Air Forces 2014" (PDF). Flight International. Consultado o 17 de novembro de 2018.
- ↑ "World's Air Forces 2004". Flight International. Consultado o 2018-11-17.