Turboeixo
Un motor turboeixo é unha forma de turbina de gas optimizada para producir potencia de eixo no lugar de impulso de chorro.
![](http://upload.wikimedia.org/wikipedia/commons/thumb/6/69/Turboshaft_operation_%28multilanguage%29.svg/300px-Turboshaft_operation_%28multilanguage%29.svg.png)
En concepto, os motores turboeixo son moi semellantes aos turborreactores, cunha expansión adicional da turbina para extraer a enerxía térmica do escape e convertela en potencia de eixo de saída. Son incluso máis semellantes aos turbohélices, con só diferenzas menores, e un mesmo motor é ás veces vendido das dúas formas.
Os motores turboeixo úsanse comunmente en aplicacións que precisan unha alta potencia de saída sostida, alta fiabilidade, pequeno tamaño, e pesos lixeiros. Entre estas están os helicópteros, unidades de potencia auxiliares, barcos, carros de combate, hovercrafts e equipos estacionarios.