Estación de Vedra-Ribadulla

Vedra-Ribadulla é unha estación de tren de Adif situada en Ribadulla, no concello de Vedra, provincia da Coruña. Conta con servizos de media distancia operados por Renfe.

Estación de Vedra-Ribadulla
Tipo	estación de ferrocarril
Localización
42°47′N 8°26′O
Estado	España
Comunidade autónoma	Galicia
Provincia	provincia da Coruña
Concello	Vedra
Datas
Inauguración	8 de setembro de 1958
Transporte
Código de estación ferroviaria	31312
Número de plataformas	2
Liña de tren	liña Zamora - A Coruña
Servizo de conexión	Rexional, Renfe
Media distancia	Rexional
Persoas e organizacións
Propietario	Adif
Operador	Renfe Operadora
[ Wikidata ]

Situación ferroviaria

A estación atópase no punto quilométrico 355,5 da liña férrea de ancho ibérico que une Zamora e A Coruña a 172 metros de altitude, entre as estacións de Santiago de Compostela e A Bandeira. O tramo é de vía única e está sen electrificar.

Historia

A estación foi inaugurada o 8 de setembro de 1958 coa posta en marcha do tramo O Carballiño-Santiago de Compostela da liña férrea que pretendía unir Zamora coa Coruña. A súa explotación inicial quedou a cargo de Renfe, que naceu en 1941.

Desde o 31 de decembro de 2004 Renfe Operadora explota a liña mentres que Adif é a titular das instalacións ferroviarias.

A estación

O edificio de viaxeiros, construído en pedra, está formado por dous pisos. Conta con dúas plataformas laterais ás que acceden dúas vías. Os cambios de plataforma realízanse a nivel.

Servizos ferroviarios

Media distancia

Actualizado a 20 de xuño de 2016.

Liñas	Trens	Orixe/Destino	<>	Destino/Orixe
2	MD	Santiago de Compostela	<>	Ourense-San Francisco

Véxase tamén

Ligazóns externas

• Información na web de Adif