Wikipedia:Avaliación de contido

O seguinte sistema sirve para avaliar a calidade dos artigos. O sistema está baseado nun esquema de letra que reflicte principalmente canto falta por completar no artigo, aínda que tamén se avalía o seu estilo.

Dous niveis, AB (Artigo Bo) e AC (Artigo de Calidade), son valoracións feitas polos editores, máis que por wikiproxectos. Os candidatos noméanse en Wikipedia:Escolla do artigo bo e Wikipedia:Escolla do artigo de calidade. A escolla faise segundo os criterios de Wikipedia:O que é un artigo bo E Wikipedia:O que é un artigo de calidade, e os resultados están listados en Wikipedia:Artigos bos e Wikipedia:Artigos de calidade.

Grados

Esquema de graos de calidade de artigos

Clase	Criterio	Visión do lector	Suxestións de edición	Exemplo
AC	O artigo é un artigo de calidade despois de ser escollido e votado pola comunidade en Wikipedia:Artigos de calidade/Votacións. Criterios máis detallados O artigo cumpre os criterios dun artigo de calidade.	Profesional, destacado, e rigoroso; unha fonte definitiva de información enciclopédica.	Non é preciso engadir máis contido ó artigo, a non ser que nova información estea dispoñible, outras melloras coma a calidade da redacción sempre son posibles.	Anna May Wong (agosto de 2018)
AB	O artigo acadou o estado de artigo bo despois de ser escollido e votado pola comunidade en Wikipedia:Artigos bos/Votacións. Criterios máis detallados O artigo cumpre os criterios dun artigo bo.	De utilidade para case tódolos lectores, sen erros obvios, achegándose (pero non igualando) a calidade dunha enciclopedia profesional.	Sería de utilidade algunha edición de expertos no tema e no estilo, unha comparación cun artigo de calidade existente dun tema semellante pode amosar áreas onde o contido é frouxo ou falta.	Dolmen de Dombate (setembro de 2016)
B	O artigo é bastante completo e sen problemas maiores, pero require máis traballo para alcanzar os estándars dun artigo bo.	Os lectores non botan nada en falta, aínda que o contido pode non estar completo abondo para satisfacer a un estudante universitario ou un investigador.	Algúns aspectos de contido e estilo precisan ser mellorados. Poden ser necesarios coñecementos expertos. O artigo debe ser revisado para comprobar que segue o Wikipedia:Libro de estilo.
C	O artigo ten un tamaño considerable, pero aínda carece de contido importante ou contén material irrelevante. O artigo debería ter algunhas referencias a fontes de calidade, pero aínda pode ter problemas significativos ou requirir unha limpeza profunda. Criterios máis detallados O artigo cita máis dunha fonte de calidade e está mellor desenvolvido en estilo, estrutura e calidade que un artigo de clase En Progreso, pero falla en un ou varios dos criterios para a clase B. Pode ter algúns erros ou elementos que falten, necesitar edición para ter máis claridade ou equilibrio, ou contén violacións de políticas, como Wikipedia:Punto de vista neutral ou investigacións orixinais. Artigos de temas ficticios márcanse con frecuencia como de clase C se están escritos dende un punto de vista dende o interior do universo ficticio. É máis probable que os artigos de clase C teñan un estilo enciclopédico razoable.	De utilidade a un lector casual, pero non proporciona unha imaxe completa para un estudo moderadamente detallado.	Precisa bastante edición para achegar información para encher as lagoas no contido e para amañar problemas de estilo.
EP	Un artigo que está en desenvolvemento, pero que está bastante incompleto (En Progreso). Pode citar ou non fontes de calidade axeitadas. Criterios máis detallados O artigo ten certa cantidade de contido bo, pero está frouxo en varias áreas. A calidade da prosa pode ser claramente pouco enciclopédica, e pode non seguir o Libro de Estilo. O artigo debería satisfacer as políticas de contido fundamentais, e Wikipedia:Biografías de persoas vivas. A miúdo, as referencias son inaxeitadas, aínda que normalmente se engaden bastantes fontes como para cumprir con Wikipedia:Verificabilidade. Ningún artigo no estado de En Progreso debería estar en perigo dunha Wikipedia:Eliminación rápida.	Proporciona algún contido de utilidade, pero a maioría dos lectores precisarán máis.	Proporcionar referencias a fontes de calidade debe ser o primeiro, o artigo tamén precisará importantes melloras en contido e organización dos contidos. Tamén precisará mellorar a redacción, ortografía, estilo de escritura, etc.	Ascetismo (maio de 2017)
Bosquexo	Unha descrición moi básica do tema. Porén, tódolos artigos moi malos caerán nesta categoría. Criterios máis detallados O artigo é tanto un artigo moi curto ou unha colección en bruto de información que necesitará moito traballo para converterse nun artigo con sentido. Normalmente é moi pequeno, pero, se o material é irrelevante ou incomprensible, un artigo de calquera lonxitude caerá nesta categoría. Aínda que os artigos da clase bosquexo son a clase máis baixa da árbore de clases, son bastante axeitados para ser aceptados como artigo, aínda que teñen riscos de ser borrados.	Proporciona moi pouco contido de interese, poden ser pouco menos que unha definición de dicionario. Os lectores probablemente ven o tema desenvolvido de forma insuficiente, e poden non ver como as características do tema son significativas.	Calquera mellora de edición ou achega de contido pode ser de axuda. Proporcionar contido significativo debe ser unha prioridade. A mellor solución para un artigo da clase bosquexo para que pase á clase de artigos de En Progreso, é engadir razóns referenciadas de por que o tema é significante.