Sociedade Deportiva Tirán
A Sociedade Deportiva Tirán é un club de remo da parroquia de Tirán, no concello de Moaña (Pontevedra). Foi fundado en 1993 trala fusión dos dous clubs de remo da parroquia. Compite na Liga ACT despois de acadar o ascenso na tempada 2020.
| S.D. Tirán | |
|---|---|
 | |
| Cidade | Tirán Moaña Galicia |
| Historia | 1993 |
| Fundado | 1993 |
| Presidente | Jose Manuel Lobera Casás |
| Adestrador | Benji Vázquez |
| Patrón | Carlos Ríos Pablo Herves |
| Competición | Liga ACT |
| Títulos | |
| Campionato de España de Traiñeiras | 3 (1961, 1996, 1997) |
| Campionato Galego de Traiñeiras | 10 (1989, 1995, 1996, 1997, 2009, 2010, 2011, 2012, 2013, 2017) |
| LGT-A | 2 (2007, 2020) |
| Embarcación e cores | |
| Embarcación | Mar do Con |
| Cores | Azul mariño e azul claro |
| Sitio web Sitio web oficial | |
Historia editar
A parroquia de Tirán desenvolveu unha gran tradición de remo a mediados do século XX, materializándose na vitoria en 1961 no Campionato de España de Traiñeiras.[1] A partir dos anos 70 o remo revitalizouse en Galicia e fundáronse na parroquia dous equipos: o Club de Remo San Xoán de Tirán e Nosa Señora Dos Remedios de Tirán. Estes dous clubs uníronse en 1993 dando lugar á Sociedade Deportiva Tirán.
O novo club gañou en 1996 e 1997 dous novos Campionatos de España de Traiñeiras e quedou segundo na Bandeira da Concha de 1996.[2] Durante eses anos converteuse no principal club galego, rivalizando coa Sociedade Deportiva Samertolameu, da veciña parroquia de Meira.
En 2003 foi un dos equipos fundadores da Liga ACT, pero na segunda tempada descendeu á Liga Noroeste de Traiñeiras. Despois de varios anos en dita categoría, gañou a liga galega no 2007 e ascendeu de novo á liga ACT. Foi subindo postos na clasificación ano a ano e na tempada 2011 fixo historia ao conseguir a súa primeira bandeira na Liga ACT ao impoñerse na XXI Bandeira de Orio,[3] converténdose no terceiro equipo galego en gañar unha bandeira da máxima competición xunto con Mecos (dúas bandeiras) e Club de Remo Cabo da Cruz (unha bandeira). Esa mesma tempada, a traiñeira de Moaña acadou a súa mellor clasificación na Liga ACT até ese momento ao finalizar na 5ª posición, marca que superou ao ano seguinte ao rematar no 4º lugar, ano no que ademais quedaron en terceira posición na Bandeira da Concha.[4]
O club mantívose durante os anos seguintes na parte media da táboa ata que en 2018 quedou no último lugar da táboa, descendendo á liga galega por un só punto.[5][6] En 2019 rematou en segundo lugar por detrás do Club de Remo Ares e disputou a promoción de ascenso, pero sen acadar o obxectivo de volver á ACT. En 2020 gañou a Liga Galega de Traiñeiras, cun empate a puntos con Samertolameu.[7] Disputou de novo a promoción de ascenso, logrando esta vez volver á máxima categoría despois de acadar a vitoria en Bermeo e o segundo posto en Portugalete.[8]
Palmarés editar
Títulos nacionais editar
- 3 Campionatos de España de traiñeiras (1961 -baixo o nome de Educación y Descanso de Moaña-, 1996 e 1997)
Títulos rexionais editar
- 2 Ligas Galegas de Traiñeiras (2007 e 2020)
- 10 Campionatos Galegos de Traiñeiras (1989, 1995, 1996, 1997, 2009, 2010, 2011, 2012, 2013 e 2017)
Bandeiras editar
Liga ACT editar
- 1 Bandeira de Orio (2011)
- 1 Bandeira Flavióbriga (2012)
- 1 Bandeira Ambilamp (2013)
- 1 Bandeira Concello de Moaña (2013)
Bandeiras galegas editar
- 8 Bandeiras Teresa Herrera (1995, 1996, 1997, 1998, 2000, 2001, 2007 e 2016)
- 1 Bandeira Concello de Moaña (2001)
- 2 Copas do Xeneralísimo de remo (1960 e 1961)
- 6 Bandeiras El Corte Inglés de Vigo (1983, 1984, 1996, 1997, 1998 e 2000)
- 7 Bandeiras Conde de Fenosa (1988, 1995, 1996, 1997, 1998, 2000 e 2001)
Outras bandeiras fóra de Galicia editar
- 1 Bandeira de Getxo (1996)
- 4 Bandeiras de Donibane Lohizune (1998, 2000, 2001 e 2002)
- 2 Bandeiras Príncipe de Asturias (1998 e 2007)
- 1 Bandeira da Rioxa (2001)
- 1 Bandeira da Sociedad Deportiva de Remo Castro Urdiales (2008)
| Categoría | 2020 | 2019 | 2018 | 2017 | 2016 | 2015 | 2014 | 2013 | 2012 | 2011 | 2010 | 2009 | 2008 | 2007 | 2006 | 2005 | 2004 | 2003 |
|---|---|---|---|---|---|---|---|---|---|---|---|---|---|---|---|---|---|---|
| Liga ACT | 12º | 7º | 6º | 7º | 7º | 5º | 4º | 5º | 7º | 9º | 10º | 12º | 10º | |||||
| Liga LGT | 1º | 2º | 1º | 5º | 4º | |||||||||||||
| Vitorias | 4 | 1 | 2 | 1 | 1 | 0 | 0 | 0 | 12 | 1 | 0 | 0 | 0 |
Notas editar
- ↑ "Historia da Sociedade Deportiva Tirán". www.tiranpereira.com. Consultado o 24 de agosto de 2020.
- ↑ "Galicia modificó la historia" (en castelán). 16 de setembro de 2009. Consultado o 24 de agosto de 2020.
- ↑ "Tirán hace historia y gana la Bandera de Orio". www.farodevigo.es (en castelán). Consultado o 2020-04-18.
- ↑ "Kaiku se exhibe y conquista la Bandera de la Concha". EITB (en castelán). 9 de setembro de 2012. Consultado o 24 de agosto de 2020.
- ↑ "Traiñeiras: Tirán despídese da ACT e Meira gaña a Liga Galega". Nós Diario. 27 de agosto de 2018. Consultado o 24 de agosto de 2020.
- ↑ García Calvo, Lorena (26 de agosto de 2018). "Tirán desciende por un punto". La Voz de Galicia. Consultado o 24 de agosto de 2020.
- ↑ "Tirán gaña a Liga Galega de Traiñeiras cos mesmos puntos que Samertolameu". CRTVG. 23 de agosto de 2020. Consultado o 24 de agosto de 2020.
- ↑ "Zarautz sella la permanencia y Tirán el ascenso a la Eusko Label Liga de remo" (en castelán). 20 de setembro de 2020. Consultado o 29 de setembro de 2020.
Véxase tamén editar
Wikimedia Commons ten máis contidos multimedia na categoría: Sociedade Deportiva Tirán  |