Nicolás Redondo Urbieta
Nicolás Redondo Urbieta, nado en Barakaldo (Biscaia) o 16 de xuño de 1927 e finado en Madrid o 4 de xaneiro de 2023,[1] foi un sindicalista e político vasco.
 (2008)  | |
| Nome orixinal | (es) Nicolás Redondo |
|---|---|
| Biografía | |
| Nacemento | 16 de xuño de 1927 Barakaldo, España |
| Morte | 4 de xaneiro de 2023 (95 anos) Madrid, España |
| Lugar de sepultura | Cemiterio Civil de Madrid |
 Deputado no Congreso dos Deputados | |
| 11 de xullo de 1986 – 22 de outubro de 1987 – José de Gregorio Torres → Lexislatura: III lexislatura de España Circunscrición electoral: Biscaia Electo en: Eleccións Xerais 1986 en España | |
| Deputado no Congreso dos Deputados | |
| 11 de novembro de 1982 – 15 de xullo de 1986 Lexislatura: II lexislatura de España Circunscrición electoral: Biscaia Electo en: Eleccións Xerais 1982 en España | |
| Deputado no Congreso dos Deputados | |
| 15 de marzo de 1979 – 31 de agosto de 1982 Lexislatura: I lexislatura de España Circunscrición electoral: Biscaia Electo en: Eleccións Xerais 1979 en España | |
| Deputado no Congreso dos Deputados | |
| 7 de xullo de 1977 – 2 de xaneiro de 1979 Lexislatura: Lexislatura Constituínte de España Circunscrición electoral: Biscaia Electo en: Eleccións Xerais 1977 en España | |
Secretary general of the Unión General de Trabajadores (en)  | |
| 1976 – 1994 ← Manuel Muiño (en) – Cándido Méndez Rodríguez (en) → | |
| Datos persoais | |
| País de nacionalidade | España |
| Actividade | |
| Lugar de traballo | Madrid |
| Ocupación | político , sindicalista , operário metalúrgico (pt) |
| Partido político | Partido Socialista Obrero Español (1945–) |
| Membro de | Unión Xeral de Traballadores (1945–) |
| Movemento | Sindicalismo |
| Lingua | Lingua castelá |
| Familia | |
| Cónxuxe | Natividad Terreros (–2014), viúvo |
| Fillos | Nicolás Redondo Terreros, Idoia Redondo (en) |
| Pai | Nicolás Redondo Blanco (en) |
Premios | |
Traxectoria editar
Fillo de Nicolás Redondo Blanco, destacado dirixente socialista e un dos primeiros concelleiros do Partido Socialista Obreiro Español (PSOE) en Biscaia; igualmente, foi pai de Nicolás Redondo Terreros, exdirixente do PSE-EE. En 1937, en plena guerra civil española, abandonou Euskadi no barco La Habana cara a Bordeos, canda outros refuxiados menores de idade e foi acollido en Francia por unha familia mineira de Herault. Regresou a España, por reclamación da familia, en 1940.[1]
En 1942, foi contratado como aprendiz de oficial axustador en La Naval de Sestao. Xa como obreiro metalúrxico, afiliouse ó PSOE e á UXT en 1945. Foi detido e procesado pola ditadura do xeneral Franco en numerosas ocasións debido ás súas actividades políticas e sindicais. En 1967 foi detido xunto ós históricos Ramón Rubial e Eduardo López Albizu e desterrado ás Hurdes.
Tras o Congreso do PSOE de agosto de 1972, que destitúe ó secretario xeral Rodolfo Llopis, convértese en membro da dirección colexiada do PSOE Renovado. Ante o Congreso de Suresnes de 1974, rexeita o ofrecemento para presentar a súa candidatura ó posto de primeiro secretario, chegando a un pacto co sevillano Felipe González para que este accedese ó cargo.
O 18 de abril de 1976 elixírono secretario xeral da Unión Xeral de Traballadores (UXT) no XXX Congreso da central sindical socialista. Previamente exercera, dende 1971, o cargo de secretario político, predecesor do de secretario xeral.
Foi elixido deputado do PSOE por Biscaia en 1977, 1979, 1982 e 1986. En 1987 renunciou ó seu escano para amosar o seu desacordo coa política laboral e social do goberno de Felipe González, tras votar en contra dos Orzamentos Xerais do Estado para 1988. Convocou xunto a Comisións Obreiras (CCOO) a folga xeral do 14 de decembro de 1988, cun éxito esmagador. Tamén convocou xunto a CCOO dúas folgas xerais máis durante o goberno socialista, en xuño de 1992 e xaneiro de 1994.
O 10 de abril de 1994, no 36º Congreso, deixou paso a Cándido Méndez como secretario xeral da UXT, retirándose de toda actividade política e sindical.
Faleceu en Madrid o 4 de xaneiro de 2023 aos 95 anos de idade debido a unha pneumonía.[2]
Distincións honoríficas editar
- Doutor Honoris Causa pola Universidade Politécnica de Valencia (2001).[3]
- Doutor Honoris Causa pola Universidade de Cádiz (2008).[4]
- Cabaleiro Gran Cruz da Orde do Dous de Maio (2010).
Notas editar
- ↑ 1,0 1,1 "Falece o histórico dirixente da UGT Nicolás Redondo Urbieta". Nós Diario. 2023-01-04. Consultado o 2023-01-04.
- ↑ "Morre Nicolás Redondo, histórico líder da UGT". G24. Consultado o 2023-01-04.
- ↑ Doutor Honoris Causa pola Universidade Politécnica de Valencia.
- ↑ A UCA inviste Doutores Honoris Causa a dous líderes do mundo sindical
Véxase tamén editar
Wikimedia Commons ten máis contidos multimedia na categoría: Nicolás Redondo Urbieta  |
Ligazóns externas editar
- Actividade parlamentaria
- Lexislatura Constituínte (PSOE)Arquivado 29 de xuño de 2016 en Wayback Machine.
- I Lexislatura (PSOE)Arquivado 28 de novembro de 2016 en Wayback Machine.
- II Lexislatura (PSOE)Arquivado 28 de novembro de 2016 en Wayback Machine.
- III Lexislatura (PSOE)Arquivado 29 de xuño de 2016 en Wayback Machine.
- Artigos