Fosfolipase
As fosfolipases son unha clase de encimas que hidrolizan os enlaces éster presentes nos fosfolípidos. Os produtos resultantes da reacción poden ser ácidos graxos que estaban unidos ao glicerol do fosfolípido, ou outros compoñentes do fosfolípido, dependendo do punto da molécula onde rompan o enlace.
Clasificación editar
Dependendo do enlace éster que escinden clasifícanse como A1, A2, B, C ou D. As fosfolipases C e D son consideradas fosfodiesterases.
Fosfolipase A1 editar
As fosfolipases A1 (PLA1) hidrolizan o enlace éster entre o primeiro acilo e o glicerol.[1]
Fosfolipase A2 editar
As fosfolipases A2 (PLA2) hidrolizan o enlace éster entre o segundo acilo e o glicerol.[1] Libera o ácido graxo ácido araquidónico e lisofosfolípido.
Fosfolipase B editar
As fosfolipases B (PLB) hidrolizan o enlace éster do primeiro acilo e o do segundo co glicerol.
Fosfolipase C editar
As fosfolipases C (PLC) hidrolizan o enlace éster entre o glicerol e o grupo fosfato.[1] Como cortan o enlace antes do fosfato liberan diacilglicerol e o conxunto fosfato-cabeza polar. Son importantes na transdución de sinais na célula, xa que liberan o segundo mensaxeiro inositol trifosfato.
Fosfolipase D editar
As fosfolipases D (PLD) hidrolizan o enlace éster entre o fosfato e o grupo variable.[1] Cortan o enlace despois do fosfato, polo que liberan ácido fosfatídico e un alcohol da cabeza polar do fosfolípido.
Notas editar
- ↑ 1,0 1,1 1,2 1,3 Lodish, Berk, Matsudaira, Kaiser, Krieger, Scott, Zipursky, Darnell (2005). Panamericana, ed. "Biología Celular y Molecular (5ª edición)" (en castelán). ISBN 950-06-1374-3.
Wikimedia Commons ten máis contidos multimedia na categoría: Fosfolipase |
Véxase tamén editar
Bibliografía editar
- Tappia, Paramjit S. & Dhalla, Naranjan S. (Editors): Phospholipases in Health and Disease. Springer, 2014. ISBN 978-1-4939-0463-1 [libro impreso]; ISBN 978-1-4939-0464-8 [libro electrónico]
Outros artigos editar
Ligazóns extrernas editar
- Phospholipases Medical Subject Headings (MeSH) na Biblioteca Nacional de Medicina dos EUA.