Ácido lisofosfatídico
O ácido lisofosfatídico (LPA) é un derivado de fosfolípido que actúa na célula como molécula sinalizadora.[1][2] Está formado por un glicerol esterificado por un fosfato e un ácido graxo (só un, xa que o outro OH do glicerol queda libre)[3].
| Ácido lisofosfatídico | |
|---|---|
 | |
(2-hidroxi-3-fosfonooxipropil) (Z)-octadec-9-enoato | |
Outros nomes LPA | |
| Identificadores | |
| Número CAS | 22002-87-5 |
| PubChem | 5497152 |
| MeSH | lysophosphatidic+acid |
| Imaxes 3D Jmol | Image 1 |
| |
| Propiedades | |
| Fórmula molecular | C21H41O7P |
| Masa molecular | 436,52 g/mol |
Se non se indica outra cousa, os datos están tomados en condicións estándar de 25 °C e 100 kPa. | |
Función
editarO ácido lisofosfatídico actúa como un potente mitóxeno debido á súa activación de tres receptores acoplados á proteína G de alta afinidade chamados receptores de lisofosfolípidos 1, 2 e 3 ou LPA1, LPA2 e LPA3 (tamén coñecidos como EDG2, EDG4, e EDG7). Ademais, descubríronse recentemente novos receptores como LPA4 (p2y9/GPR23), LPA5 (GPR92) e LPA6 (GPR87).
Importancia clínica
editarDebido á súa capacidade para estimular a proliferación celular, a sinalización aberrante con ácido lisofosfatídico foi asociada co cáncer por numerosas vías [4]. A desregulación da autotaxina ou dos receptores do ácido lisofosfatídico pode orixinar hiperproliferación, o cal pode contribuír á oncoxénese e metástase.
O ácido lisofosfatídico pode ser a causa de proídos [5] en persoas con doenzas colestáticas (co fluxo biliar anormal).
Activación da GTPase
editarDespois da activación do receptor do ácido lisofosfatídico, a pequena GTPase Rho pode ser activada, activando seguidamente á Rho quinase. Isto pode levar á formación de fibras de estrés e á migración celular por medio da inhibición da miosina de cadea lixeira fosfatase.
Metabolismo
editarHai varias rutas potenciais parta a biosíntese de ácido lisofosfatídico, pero a mellor caracterizada é aquela na que actúa a lisofosfolipase D chamada autotaxina, a cal elimina o grupo colina da lsofosfatidilcolina.
O ácido lisofosfatídico é tamén un intermediario na síntese de ácido fosfatídico (que ten dous ácidos graxos).
Notas
editar- ↑ Reginald Garrett, Charles M. Grisham (28 December 2008). Cengage Learning, ed. Biochemistry. pp. 235–. ISBN 9780495109358. Consultado o 20 December 2010.
- ↑ Moolenaar, W.H., Lysophosphatidic Acid, a Multifunctional Phospholipid Messenger. J. Biol. Chem. 1995. (270)22:12949. Article.
- ↑ PubChem Compound Lysophosphatidic acid
- ↑ Mills, G.B., Moolenaar, W.H., The Emerging role of lysophosphatidic acid in cancer. Nat. Rev. Cancer. 2003. (8):582. Article
- ↑ Kremer AE, Martens JJ, Kulik W, Ruëff F, Kuiper EM, van Buuren HR, van Erpecum KJ, Kondrackiene J, Prieto J, Rust C, Geenes VL, Williamson C, Moolenaar WH, Beuers U, Elferink RP. Lysophosphatidic acid is a potential mediator of cholestatic pruritus. Gastroenterology. 2010 May 20. [Epub ahead of print]