Amancio Bolaño e Isla
Amancio Bolaño e Isla, nado nas Ermidas (O Bolo) o 19 de setembro de 1896 e finado en Cidade de México o 21 de xullo de 1971[1], foi un filólogo, catedrático e académico de orixe galega nacionalizado mexicano.
| Biografía | |
|---|---|
| Nacemento | 19 de setembro de 1896  O Bolo, España |
| Morte | 21 de xullo de 1971 (74 anos) |
| Datos persoais | |
| País de nacionalidade | México España |
| Educación | Universidade Nacional Autónoma de México |
| Actividade | |
| Ocupación | profesor universitario |
| Empregador | Universidade Nacional Autónoma de México |
| Membro de | |
| Lingua | Lingua castelá |
Traxectoria editar
Realizou os estudos de bacharelato no Instituto de Ensinanza Secundaria Cardenal Cisneros. Cursou tres anos da carreira de Dereito na Universidade Central de Madrid, pero optou por terminar a licenciatura en Letras na mesma universidade, foi discípulo de Ramón Menéndez Pidal, titulouse como filólogo en 1935. Iniciada a guerra civil española, viaxou a México. En 1947, obtivo un doutoramento en letras pola Universidade Nacional Autónoma de México (UNAM), a súa tese foi un estudo bio-bibliográfico, histórico e literario de frei Alonso da Vera Cruz.
Exerceu a docencia impartindo moi diversas cátedras, entre elas latín, fonética, filoloxía románica, literatura española medieval, literatura do Século de Ouro, Cervantes, xeración do 98, novela picaresca, lingua portuguesa e outras máis. Foi profesor no Instituto Plurilingüe de Madrid, na Escola Nacional de Antropoloxía e Historia, no Colexio de México, na Universidade Iberoamericana, na Universidade de Las Américas de Puebla, no Colexio Francés Morelos, no Colexio Alemán "Alexander von Humboldt", no Liceo Franco-Mexicano, na Facultade de Filosofía e Letras da UNAM, e na Escola Nacional Preparatoria.[2]
Nomeárono profesor emérito da Facultade de Filosofía e Letras da UNAM e profesor honorario da Universidade de Guanajuato. Foi membro da Academia de Belas Letras de Málaga e do Colexio de Licenciados e Doutores de Madrid.
Foi membro de número da Academia Mexicana da Lingua, tomou posesión da cadeira XXV o 24 de outubro de 1969 cun discurso comparativo entre o Estebanillo González e El Periquillo Sarniento.
Obra editar
Foi prologuista, editor e revisor de obras literarias antigas como El conde Lucanor, El libro del buen amor e El poema del Mío Cid. Como escritor, a súa obra é pedagóxica e de crítica literaria, entre seus libros atópanse:
- Breve manual de fonética elemental.
- Manual de historia de la lengua española.
- Contribución al estudo bio-bibliográfico de fray Alonso de la Vera Cruz.
- Estudos literarios.
Notas editar
- ↑ José Rojas Garcidueñas (1975). "Amancio Bolaño e Isla". Semblanzas de académicos. (Nuestros Humanistas). Consultado o 2 de abril de 2011.
- ↑ "Amancio Bolaño e Isla" (PDF). 100 UNAM. Universidade Nacional de México 1910-2010. Consultado o 2 de abril de 2011.