Vogais da lingua galega: Diferenzas entre revisións

Velaí o sistema de sete vogais que atopamos en posición tónica e que ten a súa orixe nun sistema [[Latín|latino]] de 10 elementos, modificado profundamente na lingua falada coa [[desfonoloxización]] da [[cantidade vocálica]]. Ó ser o galego herdeiro directo do sistema latino e estar cada unha das sete vocais condicionada pola [[etimoloxía]] cabería agardar que cada palabra tivese idéntico vogalismo en todo o territorio, mais isto non se cumpre en tódolos casos. No vocalismo tónico, dous casos creban a regularidade: unha consoante [[nasalización|nasal]] trabando sílaba e o fenómeno da [[metafonía]], fenómenos, ámbolos dous, característicos da [[dialectoloxía]] galega.

Hai palabras que escapan por completo ó fenómeno da metafonía: ''folla'', ''cego''-''cega'', ''porco''-''porca''; tampouco chegou a actuar en toda a totalidade do dominio lingüístico galego. Os dados que se coñecen indican con claridade que este proceso tivo a súa orixe en puntos do [[galego occidental]] e que se foi espallando cara ó ''[[áreas lingüísticas do galego|galego central]]'', ó que afectou de maneira variable.