Elvira Santiso

pintora e mestra galega

Elvira Santiso García, nada en Betanzos en 1872 e finada en Santiago de Compostela o 9 de outubro de 1961,[1] foi unha pintora e mestra galega.

Elvira Santiso
Elvira Santiso 1909.jpg
Nacemento1872
 Betanzos
Falecemento9 de outubro de 1961
 Santiago de Compostela
NacionalidadeEspaña
Ocupaciónpintora
editar datos en Wikidata ]

TraxectoriaEditar

Moi nova marchou coa súa familia a Compostela, onde viviu ata a súa morte. Formouse na Escola da Real Sociedade Económica de Amigos do País de Santiago, tendo como profesores a José María Fenollera e Mariano Tito Vázquez. Traballou como mestre particular, ensinando na sociedade da que fora alumna e facendo traballos por encarga.[2]

Algúns dos títulos dos seus cadros son: A ceboleira, Ao carón do lar, Botando un cigarro, Carmeliña, Claustro del Sar, La bordadora, La cena del campanero, Mondando patatas, No muíño, O pé do cruceiro, O tío Xan e Oración.[3]

 
Santiso participou na Exposición de Arte Galega de 1926.[4]

Fixo exposicións en diferentes certames celebrados en Santiago, A Coruña, Vigo, Madrid, Bos Aires, Montevideo, Ferrol e Vilagarcía de Arousa.

Hai obra súa no Museo Municipal Quiñones de León de Vigo[5] e no Castelo de Santiago de Sanlúcar de Barrameda.

RecoñecementosEditar

  • No curso 1888-89 conseguiu unha medalla de Prata por Adorno en Debuxo Natural.
  • No curso 1889-90, medalla de prata por unha copia dun xeso.
  • Diploma de colaboración na Exposición Rexional de 1896, celebrada en Lugo.
  • En 1906, mención Honorífica na Exposición Nacional de Belas Artes de Madrid.
  • Medalla de ouro na Exposición Rexional de 1909, celebrada en Santiago de Compostela.
  • Medalla de Afonso X o Sabio en recoñecemento pola súa labor docente.

NotasEditar

  1. La Noche, 10-10-1961, p. 2.
  2. Elvira Santiso no Álbum de Mulleres do Consello da Cultura Galega.
  3. "Santiso García, Elvira". Gran Enciclopedia Galega (DVD). El Progreso. 2005. ISBN 84-87804-88-8. 
  4. "Exposición de Arte Gallego (anuncio)". El Compostelano (en castelán) (Santiago de Compostela). 29/7/1926. p. 3. 
  5. Pablos, Francisco (1981). Plástica gallega (en castelán). CAV. pp. 194–195. ISBN 84-7231-603-3. 

Véxase taménEditar

BibliografíaEditar

Ligazóns externasEditar