El Eco Escolar
El Eco Escolar foi un periódico editado en Santiago de Compostela en 1863.
| El Eco Escolar | |
|---|---|
  | |
| Fundación | 1863 |
| Lingua | lingua castelá |
| Localidade | Santiago de Compostela |
| Descrito por | Gran Enciclopedia Galega Silverio Cañada, Diccionario da literatura galega e Enciclopedia Galega Universal |
| Na rede | |
 | |
| [ editar datos en Wikidata ] | |
Historia e características
editarSubtitulado Hoja diaria compostelana de noticias, avisos e intereses generales, apareceu o 2 de xaneiro de 1863. Primeiramente editábase diariariamente, logo pasou a ser semanal e despois apareceu tres veces á semana. Sufriu modificacións nos seus subtítulos, na súa cabeceira e na súa periodicidade. A partir do 8 de xaneiro subtitulouse Revista semanal compostelana científica, literaria y de intereses generales, despis pasou a Revista semanal de intereses generales. A partir do número 28 cambiou o subtítulo por Periódico compostelano de noticias, avisos e intereses generales, a partir do 32 Periódico literario, de noticias, avisos e intereses generales e a partir do 48 Periódico de intereses morales y materiales, científico y literario. Cambiou a súa cabeceira a partir do número 51, pasando a denominarse El Eco Compostelano co subtítulo Periódico de intereses morales y materiales, noticias y anuncios, pero continuando coa numeración. Fundado e dirixido por Ramón Otero Acuña e editado por José Rodríguez Ruibal. Entre os seus colaboradores figuraron José Domínguez Izquierdo, Francisco Romero Blanco, Heliodoro Cid, Vicente Cid Osorio, Luís Fernández Deus, Romualdo de Acevedo, Julián Obaya e Antonio García Vázquez-Queipo. Publicou "O gaiteiro", de Rosalía de Castro, e "María na crucifixión de Xesús", de López de la Vega, pero prescindiu dos contidos literarios nos últimos números.
Véxase tamén
editarBibliografía
editar- "Eco Escolar, El". Enciclopedia Galega Universal. Ir Indo. 1999-2002. ISBN 84-7680-288-9.
- "Eco Escolar, El". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8.
- Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X.
Outros artigos
editarLigazóns externas
editar- El Eco Escolar na hemeroteca virtual da Real Academia Galega.