El Ángel del Hogar
El Ángel del Hogar foi unha revista editada en Pontevedra e Vigo entre 1894 e 1897.
Historia e características Editar
Subtitulada Revista enciclopédica destinada exclusivamente a la mujer, ciencias, literatura, higiene, modas, labores y conocimientos útiles, apareceu en xuño de 1894. De periodicidade quincenal, estaba dirixida por Sarah Lorenzana Couto e editábase na imprenta de La Unión Republicana de Pontevedra. Entre os colaboradores figuraban Rogelio Lois Estévez, Joaquín Olmedilla, a baronesa de Olivares, María Concepción Jimeno e Javier Valcarce Ocampo. Incluía informacións que contribuían á educación da muller. Empregaba o castelán pero publicou algún poema en galego. En 1896 recibiu a Medalla de Prata e un diploma na Exposición Rexional de Lugo.
En 1896, con motivo do traslado da directora a Vigo, a revista continuou publicándose nesta localidade. Desapareceu probablemente en 1897.
Véxase tamén Editar
Bibliografía Editar
- Álvarez Blázquez, José Mª (1980). "La prensa periódica viguesa en el siglo XIX". Vigo en su historia (en castelán). Caja de Ahorros Municipal de Vigo. p. 554. ISBN 84-7231-494-4.
- Santos Gayoso, Enrique (1990). Historia de la Prensa Gallega 1800-1986. Sada: Do Castro. ISBN 84-7492-489-8.