Abrir o menú principal

Edward Christopher "Ed" Sheeran, nado en Halifax (West Yorkshire) o 17 de febreiro de 1991, é un cantautor inglés. Firmou un contrato coa discográfica Asylum / Atlantic Records.[1] Sheeran saltou á fama no mes de xuño de 2011, cando o seu primeiro single "The A Team" debutou nas listas británicas co número 3.[2]

Ed Sheeran
Ed Sheeran 2013.jpg
Sheeran en febreiro de 2013
Nome completoEdward Christopher Sheeran
AliasEd Sheeran
Nacemento17 de febreiro de 1991
OrixeHalifax (West Yorkshire) Inglaterra Inglaterra
Ocupacióncantante, cantautor
XéneroFolk, hip-hop, grime
Instrumento(s)Guitarra
Selo(s) discográfico(s)Asylum / Atlantic Records (2011–actualmente)
Na rede
http://edsheeran.com
editar datos en Wikidata ]

TraxectoriaEditar

Edward Christopher Sheeran é fillo dunha irlandesa[3] e un inglés[4]. Viviu na súa vila natal antes de trasladárense a Framlingham, en Suffolk. Aprendeu a tocar a guitarra cando era moi novo, e comezou a compor cancións mentres asistía á Thomas Mills High School en Framlingham.[5] Na súa infancia, da que falou nunha entrevista no show Zane Lowe, escoitaba a Van Morrison nas súas innumerables viaxes a Londres cos seus pais e asistiu a un concerto de Damien Rice na Irlanda cando tiña 11 anos.[6]

Carreira profesionalEditar

2005–2011: Comezos non comerciaisEditar

Sheeran comezou a gravar en 2005, o que o levou a producir o seu primeiro EP, The Orange Room EP. Alén diso, Ed realizou 2 álbums, un homónimo en 2006 e Want Some? en 2007. Trasladouse a Londres en 2008 para ofrecer algúns concertos, que ao comezo realizáronse en pequenos locais, nos que tocaba todos os días e para non máis de cinco persoas. En 2008, fixo unha audición para a serie da canle ITVBritannia High.[Cómpre referencia]

En 2009, Sheeran tocou en 312 concertos. Dixo que lera unha entrevista con James Morrison na que dicía que Morrison actuara en 200 concertos nun ano, e Sheeran quería superar o seu número.[7] En 2009, lanzou outro EP, You Need Me, xusto antes de saír de xira con Just Jack. En febreiro de 2010, Ed enviou un vídeo vía SB.TV, que chamou a atención do rapeiro Example , que lle pediu para facer un xira con el. Ademais, en febreiro de 2010 publicou o seu aclamado EP Loose Change , que incluía o seu éxito "The A Team".

En abril de 2010, despois de abandonar a súa discográfica, Sheeran mercou un billete para Los Angeles. Tocou en moitos dos locais da cidade, antes de chamar a atención de Jamie Foxx no The Foxxhole, que o convidou a ficar na súa casa e a gravar ao día seguinte. Ao longo do ano 2010, Sheeran comezou a ter máis éxito por medio da súa canle en YouTube e a súa páxina de fans, obtendo crédito do xornal The Independent , do capitán de fútbol inglés Rio Ferdinand e de Elton John.[8] O cantautor realizou outros dous EPs en 2010; Ed Sheeran: Live at the Bedford e Songs I Wrote With Amy, o cal é unha colección de cancións de amor que escribiu en Gales con Amy Wadge.

2011–actualmente: Álbum debutEditar

O 8 de xaneiro de 2011, Sheeran produciu o seu último EP independente, No.5 Collaborations Project que contou coa colaboración de artistas de grime como Wiley, JME, Devlin, Sway e Ghetts.[1] Con este EP, chamou a atención para alcanzar o posto número 2 na lista de iTunes sen ningún tipo de promoción ou selo, vendendo máis de 7.000 copias na súa primeira semana.[9] Tres meses máis tarde, actuou nun concerto gratuíto para os seus fans no Barfly en Camden. Máis de 1.000 fans acudiron á cita, polo que Ed Sheeran acabou por tocar en catro concertos diferentes para ter a certeza de que todo o mundo tivera a oportunidade de ver un dos seus espectáculos. Mesmo tocou na rúa despois de que o local pechara as súas portas. Nese mesmo mes, Sheeran firmou un contrato coa Asylum / Atlantic Records.

O 26 de abril, fixo unha aparición na televisión no programa musical Later... with Jools Holland – onde tocou a súa canción "The A Team". Despois de seis semanas "The A Team" foi lanzado para a súa descarga dixital no Reino Unido. Este canción empregouse como primeiro single do seu álbum debut, titulado + – publicado pola Atlantic Records o 12 de setembro de 2011. "The A Team" entrou nas listas británica co número 3, vendendo máis de 58,000 copias na súa primeira semana. Foi premiado por ser o single con máis copias no ano 2011.

Durante unha entrevista no programa BBC Introducing durante o Glastonbury Festival 2011 o 28 de agosto, Sheeran anunciou que "You Need Me" sería o segundo single do seu álbum.

O 11 de novembro de 2011, a canción "Lego House" converteuse no terceiro single do seu álbum de estudio + [10] . Alcanzou o número 5 nas listas de éxitos británicas. O videoclip da canción "Lego House" publicouse o 20 de outubro de 2011 na súa canle de YouTube. Foi protagonizado polo actor de Harry Potter Rupert Grint[11].

DiscografíaEditar

  • + (2011)
  • x (2014)
  • divide (2017)

NotasEditar

  1. 1,0 1,1 Haugh, Richard (10 January 2011). "Ed Sheeran battles Rihanna for top spot in album chart". BBC News. Consultado o 10 August 2011. 
  2. "Ed Sheeran – UK Charts". www.chartstats.com/. Arquivado dende o orixinal o 2012-07-30. 
  3. Ed Sheeran – The Irish Times – Fri, Sep 09, 2011
  4. "Arthur’s Day: Ed Sheeran interview". Arquivado dende o orixinal o 28 de febreiro de 2012. Consultado o 18 de decembro de 2011. 
  5. "Introducing – Ed Sheeran". BBC Suffolk. April 2008. Consultado o 11 August 2011. 
  6. "Tony Fentons Blog > Daily Download – Ed Sheeran". Arquivado dende o orixinal o 20 de marzo de 2012. Consultado o 18 de decembro de 2011. 
  7. "The amazing story of Ed Sheeran". Consultado o 9 August 2011. 
  8. "Elt says Ed’s the Cat’s whiskers | The Sun |Showbiz|Music". The Sun. 15 January 2011. Consultado o 19 January 2011. 
  9. BBC Suffolk (13 January 2011). "Ed Sheeran signs with Asylum Records / Atlantic Records following ‘No. 5 Collaborations Project’ success". BBC News. Consultado o 19 January 2011. 
  10. http://itunes.apple.com/gb/album/lego-house-ep/id474197789
  11. http://www.youtube.com/watch?v=c4BLVznuWnU&feature=player_embedded

Véxase taménEditar

Ligazóns externasEditar