Domando a fera
Domando a fera (en inglés: Bring Up Baby) é un filme estadounidense dirixido por Howard Hawks que se estreou en 1938. Emitiuse subtitulado en galego a través da TVG o 22 de maio de 2016.[2]
| Domando a fera | |
|---|---|
.jpg) Póster do filme. | |
| Ficha técnica | |
| Título orixinal | Bringing Up Baby |
| Director | Howard Hawks |
| Produtor | Cliff Reid Howard Hawks |
| Guión | Dudley Nichols Hagar Wilde |
| Intérpretes | Cary Grant Katharine Hepburn May Robson Charles Ruggles Walter Catlett Barry Fitzgerald |
| Música | Roy Webb Jimmy McHugh |
| Distribuidora | MGM |
| Estrea | 16 de febreiro de 1938 (San Francisco)[1] |
| Duración | 102 minutos |
| Orixe |  Estados Unidos |
| Xénero | Comedia |
| Orzamento | $1 096 796.23 |
| Recadación | $1 109 000 |
| Na rede | |
           | |
Argumento editar
David Huxley (Cary Grant) é un paleontólogo de vida pacífica, que ten como maior preocupación rematar a montaxe do esqueleto dun brontosauro ao que lle falta un óso. Está a piques de casar cunha muller de personalidade ríxida e ademais ten que dar boa impresión a Mrs. Random, unha rica muller que está pensando en facer unha xenerosa doazón ao seu museo. Porén, o día anterior á súa voda, David coñece a Susan Vance (Katharine Hepburn), unha moza aloucada que resulta ser a sobriña de Mrs. Random.
O irmán de Susan, Mark, envioulle dende Brasil un leopardo domesticado chamado "Baby", para que ela o entregue á súa tía. Susan confunde a David cun zoólogo e obrígao a que a acompañe á súa casa de campo para facerse cargo de Baby. A situación complícase cando Susan comprende que está namorada de David e decide retelo para evitar que case. Ademais, o can de Susan rouba e enterro o último óso do brontosauro de David e este deixa solto por erro outro leopardo dun circo próximo.
Personaxes editar
- Katharine Hepburn como Susan Vance
- Cary Grant como Dr. David Huxley
- Walter Catlett como Oficial
- Barry Fitzgerald como Mr. Gogarty
- May Robson como Elizabeth Carlton Random
- Fritz Feld como Dr. Fritz Lehman
- Leona Roberts como Hannah Gogarty
- George Irving como Alexander Peabody
- Virginia Walker como Alice Swallow
- Pat O'Malley como Deputado (sen acreditar)
Repercusión editar
Domando a fera foi un fracaso rotundo de público, o que provocou que Howard Hawks fose apartado da dirección do que ía ser o seu seguinte filme, Gunga Din, tamén con Cary Grant, e obrigou a Hepburn a pagar a súa parte do contrato. Porén, a medida que pasaron os anos o filme obtivo cada vez máis atención, ata converterse nun clásico da comedia.
En 1990 Domando a fera foi seleccionado para a súa conservación no National Film Registry da Biblioteca do Congreso dos Estados Unidos de América como "cultural, histórica ou esteticamente significativo".[3] Na listaxe dos cen mellores filmes confeccionada polo American Film Institute en 1997 ocupou o posto 96.
Notas editar
- ↑ Hanson 1993, p. 235.
- ↑ La Voz de Galicia, 21 de maio de 2016. Páx. 54
- ↑ Complete National Film Registry Listing
Véxase tamén editar
Wikimedia Commons ten máis contidos multimedia na categoría: Domando a fera  |
Bibliografía editar
- Hanson, Patricia King, ed. (1993). The American Film Institute Catalog of Motion Pictures Produced in the United States: Feature Films, 1931-1940. Berkeley e Os Ánxeles: University of California Press. ISBN 978-0-520-07908-3.
Ligazóns externas editar
- Ficha na IMDb (en inglés)
- Ficha en Filmaffinity (en castelán)