David O'Keefe
David Dean O'Keefe, nado en 1824 ou 1828 e finado en 1901 no barco Santa Cruz, foi un capitán de barco de orixe irlandesa que se converteu nun persoeiro histórico e político da illa de Yap na Micronesia, no Pacífico Sur.[1][2][3]
| Biografía | |
|---|---|
| Nacemento | 1824  |
| Morte | 1901 (76/77 anos) |
| Causa da morte | Morte accidental |
| Datos persoais | |
| País de nacionalidade | Estados Unidos de América |
| Actividade | |
| Ocupación | mariño |
Traxectoria editar
O'Keefe emigrou aos Estados Unidos en 1848 e estableceuse en Savannah, no Estado de Xeorxia. En 1871, como capitán de barco Belvedere, colleu rumbo ao Pacífico Sur, cara a Manila. En 1872 chegou por primeira vez a Yap, a bordo do Wreker, e alí traballou polo menos ata 1875 na empresa Webster & Cook, de Singapur, antes de establecerse como comerciante pola súa conta, con establecementos en Yap, en Palau e en Mapia. O'Keefe adquiriu varias embarcacións coas que levaba copra ata Hong Kong. En Yap chegou a adquirir moito poder ao proporcionarlle á poboación local ferramentas de ferro procedentes de Hong Kong e doutros lugares de Asia Oriental para facilitar a produción das tradicionais moedas de pedra características daquelas illas.[1][2][3][4]
Por mor da riqueza que adquiriu concedéuselle a propiedade dunha illa (a actual Tarang) na que era considerado como un rei.[5] O seu emblema consistía nunha bandeira estadounidense ondeando sobre as letras "OK". Chegou a ter dúas esposas yapesas, coas que tivo varios fillos na illa, malia estar xa casado en Savannah, onde tiña tamén unha filla.[1][2][3]
O'Keefe faleceu en 1901 no barco Santa Cruz, co que regresaba a Savannah, como resultado dun tifón, e deixou unha fortuna de arredor de medio millón de dólares.[1][2][3]
O libro titulado His Majesty O'Keefe (1950), de Laurence Kingman, céntrase na vida deste mariño en Yap, do mesmo xeito que a longametraxe homónima de 1954 (estreada en España co título de Su majestad de los mares del sur), dirixida por Byron Haskin e protagonizada por Burt Lancaster.[3][6][7]
Notas editar
- ↑ 1,0 1,1 1,2 1,3 "David Dean O'Keefe". En Beachcombers, Traders & Castaways in Micronesia Arquivado 18 de xullo de 2019 en Wayback Machine..
- ↑ 2,0 2,1 2,2 2,3 Hezel, F. X. (2008).
- ↑ 3,0 3,1 3,2 3,3 3,4 Dash, M. (2011).
- ↑ "Stone Money". En BBC News.
- ↑ "NRHP nomination for O'Keefe's Island". US Departement of Interior. National Park Service.
- ↑ Klingman, Lawrence; Green, Gerald (1950). His Majesty O'Keefe. Charles Scribner's Sons. Nova York.
- ↑ "His Majesty O'keefe". En IMDb.
Véxase tamén editar
Bibliografía editar
- Hezel, F. X. (2008). "The Man Who Was Reputed to be King: David Dean O'Keefe". En Journal of Pacific History, Vol. 43, Nº 2. Páxinas 239-252.
- Dash, M. (2011). "David O’Keefe: The King of Hard Currency". En Smithsinian.com. 28 de xullo de 2011.