Dani Cancela
Daniel Cancela Rodríguez, coñecido como Dani Cancela, nado na Coruña o 23 de setembro de 1981, é un exfutbolista galego, nacionalizado hongkonés, que xogaba de defensa. Comezou a súa carreira no Fabril, pasando logo polo Fuenlabrada e o Lugo, antes de marchar en 2010 a Hong Kong, onde militou durante 12 anos nas filas do Kitchee SC. Gañou 25 títulos co club, do que foi capitán e do que é o xogador estranxeiro con máis partidos disputados na súa historia.
 (2012)  | |||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 23 de setembro de 1981 (43 anos) A Coruña, España | ||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||
| Período de actividade | 2000 - | ||||||||||||||||||||||||||||||||||||||||||||||||||||||||||
| Nacionalidade deportiva | Hong Kong | ||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||
Trala súa naturalización como cidadán do país, foi 15 veces internacional coa selección de Hong Kong.
Traxectoria
editarClubs
editarFormouse na canteira do Deportivo da Coruña. Na tempada 2000/01 xogou cedido no Malpica e durante os seguintes cinco anos xogou co Fabril en Terceira División.[1][2] Logo xogou dúas tempadas no CF Fuenlabrada e outras dúas no CD Lugo, en ambos os casos na Segunda División B.
En xullo de 2010 tras unha proba frustrada co BK Häcken da Allsvenskan (primeira división sueca),[3] puxo rumbo cara a Hong Kong para fichar polo Kitchee SC, da Primeira División de Hong Kong, onde coincidiu co tamén galego "Chino" Losada.[4] Con este club gañou numerosos títulos durante a seguinte década, entre eles oito ligas, e xogou habitualmente a Liga de Campións da AFC e a Copa da AFC. En 2014 acadou as semifinais da Copa da AFC, onde foron eliminados polo Erbil do Kurdistán iraquí.
Debutou na Liga de Campións o 6 de marzo de 2018, nun partido contra o Kashiwa Reysol no Xapón, que rematou con vitoria pola mínima para o equipo nipón. Con todo, unha semana despois, contra o mesmo equipo, Cancela e o Kitchee lograron a primeira vitoria dun equipo de Hong Kong na historia da Liga de Campións (1-0).[5] En 2022, no día no que o Kitchee disputaba por primeira vez os oitavos de final da Liga de Campións, Cancela converteuse no primeiro xogador estranxeiro na historia do club en acadar os 250 partidos.[6] Pouco despois colgou as botas, despois de 12 anos como xogador do club e con 25 títulos no seu palmarés.
Internacional
editarEn outubro de 2017 recibiu a nacionalidade hongkonesa e ese mesmo mes debutou con 36 anos como internacional coa selección de fútbol de Hong Kong, nun partido amigábel contra a selección de Laos, gañando 4-0.[7][8] Disputou un total de 15 partidos como internacional ata 2019.[9]
Palmarés
editar- Kitchee
- Premier League de Hong Kong (5): 2014/15, 2016/17, 2017/18, 2019/20, 2020/21.
- Primeira División de Hong Kong (3): 2010/11, 2011/12, 2013/14.
- Hong Kong Senior Shield (2): 2016/17, 2018/19.
- Copa FA de Hong Kong (6): 2011/12, 2012/13, 2014/15, 2016/17, 2017/18, 2018/19.
- Sapling Cup (2): 2017/18, 2019/20.
- Copa da Liga de Hong Kong (3): 2011/12, 2014/15, 2015/16.
- Hong Kong Community Cup (2): 2017, 2018.
Notas
editar- ↑ "Comeza a tempada do Deportivo B". 19 de xullo de 2001. Consultado o 30 de agosto de 2020.
- ↑ "Españoles por el Mundo: entrevistamos a Dani Cancela" (en castelán). 19 de agosto de 2014. Consultado o 30 de agosto de 2020.
- ↑ "De Lugo a Suecia". El Progreso (en castelán). 7 de xullo de 2010. Consultado o 30 de agosto de 2020.
- ↑ "Dani Cancela, rumbo a Oriente". El Progreso (en castelán). 23 de xullo de 2010. Consultado o 30 de agosto de 2020.
- ↑ Manchón, Martín (14 de marzo de 2018). "Cancela, Recio y Tarrés logran la primera victoria de un club de Hong Kong en la historia de la Champions" (en castelán). Consultado o 13 de xaneiro de 2022.
- ↑ "El coruñés Dani Cancela, primer extranjero en alcanzar los 250 partidos con el Kitchee" (en castelán). 19 de agosto de 2022. Consultado o 15 de outubro de 2022.
- ↑ "Spanish-born Jorge Tarres condemns violence in Catalonia as he eyes Hong Kong debut in Asian Cup qualifier" (en inglés). 2 de outubro de 2017. Consultado o 30 de agosto de 2020.
- ↑ "International Friendly Match - Hong Kong 4:0 Laos". Asociación de Fútbol de Hong Kong (en inglés). Consultado o 30 de agosto de 2020.
- ↑ "Dani Cancela". national-football-teams.com (en inglés). Consultado o 15 de outubro de 2022.