Dólar de prata dos prisioneiros de guerra estadounidenses
| Dólar de prata dos prisioneiros de guerra estadounidenses | |
|---|---|
 | |
| A/: Aguia en voo, cunha cadea rota nunha pouta. Arame de espiño rodeando o deseño. Data e marcas de gravador.
Lendas: LIBERTY / FREEDOM / IN GOD WE TRUST |
R/: Edificio do Museo Nacional dos Prisioneiros de Guerra. Marcas de ceca e de gravador.
Lenda: E PLURIBUS UNUM - UNITED STATES OF AMERICA / ONE DOLLAR / NATIONAL PRISONER of WAR MUSEUM |
| |
O dólar de prata dos prisioneiros de guerra estadounidenses é unha moeda conmemorativa, non circulante, emitida pola Casa da Moeda dos Estados Unidos en 1994 e cuñada polas Cecas de Filadelfia e de West Point.
Esta moeda dun dólar foi autorizada pola Lei 103-186, do 14 de decembro de 1993,[1] pola que se dispuxo a emisión dunha moeda conmemorativa na honra dos prisioneiros de guerra estadounidenses.[2]
Esta moeda está integrada nun programa de emisións para 2004 dedicado aos veteranos de guerra que integra tamén o dólar de prata da muller no servizo militar dos EEUU e o dólar de prata conmemorativo dos veteranos de Vietnam.[1][3]
Deseño editar
No anverso da moeda, deseñado polo empregado do Departamento de Auntos dos Veteranos Tom Nielsen, reprodúcese unha aguia en voo que ten unha cadea rota na súa pouta esquerda. O deseño está rodeado por un arame de espiños e como única lenda amosa as palabras LIBERTY e FREEDOM ("liberdade"), ademais do habitual lema IN GOD WE TRUST ("En Deus confiamos"), das moedas estadounidenses.[2][4]
Pola súa banda, o reverso, obra de Edgar Z. Steever, reproduce unha vista esterior do edificio do Museo Nacional dos Prisioneiros de Guerra de Andersonville, Xeorxia.[2][4]
Produción e comercialización editar
A lei que autorizou a emisión destas moedas conmemorativas prevía unha tiraxe máxina de 500.000 de exemplares.[1] A moeda produciuse na Casa de Moeda de West Point, onde se cuñaron as pezas estándar, e na Casa da Moeda de Filadelfia, que cuñou as moedas con acabamento especial (proof)[4] e estivo dispoñible para a súa adquisición por parte da poboación desde o 29 de xullo de 2004.[2]
A súa produción foi de 54.893 moedas na súa condición estándar e 224.449 en versión con acabamento proof, o que fai un total de 279.342 exemplares, pouco máis da metade da tiraxe total autorizada.[4][3]
A moeda comercializouse aos prezos de 32 dólares en condición estándar e 35 en versión proof,[4] e o beneficio conseguido coa súa venda destinouse ao establecemento e ao mantemento do Museo dos Prisioneiros de Guerra de Andersonville, en Xeorxia; as cantidades excedentes foron para a Secretaría de Asuntos dos Veteranos, destinadas ao mantemento dos cimeterios nacionais.[2]
Notas editar
- ↑ 1,0 1,1 1,2 "Public Law 103-186 - DEC. 14, 1993. TITLE II". Govinfo.gov
- ↑ 2,0 2,1 2,2 2,3 2,4 "American Prisoners of War Silver Dollar". United States Mint.
- ↑ 3,0 3,1 "Historical Commemorative Coin Sales Figures: 1994 Veterans Program". United States Mint.
- ↑ 4,0 4,1 4,2 4,3 4,4 "1 Dollar National Prisoner of War Museum". Numista.com
Véxase tamén editar
Outros artigos editar
Ligazóns externas editar
- "2005 Marine Corps Silver Dollar" (ModernCommemoratives.com)