Cuchavira

Cuchavira ou Cuchaviva era o deus do arco da vella, protector das mulleres traballadoras e dos doentes segundo a relixión dos muiscas. Os muiscas e a súa confederación foron unha das catro civilizacións avanzadas de América e vivían no fértil val que forma o Altiplano Cundiboyacense nos Andes. A choiva e o Sol foron moi importantes para a súa agricultura e daquela, a sabana de Bogotá tiña varios pantanos e os asulagamentos eran comúns.

Cuchavira
Deus do arco da vella.
Membro da Relixión muisca
Representación de Cuchavira na casa museo de Luis Alberto Acuña.
Outros nomes	Cuchaviva
Afiliación	Chibchacum (chuvia) Sué (Sol)
Xénero	Masculino
Rexión	Altiplano Cundiboyacense Colombia
Grupo étnico	Pobo muisca
Equivalentes
Equivalente grego	Iris
Equivalente romano	Arcus
Equivalente cristián	Noé

Descrición

Tumbaga, unha aliaxe de ouro e cobre empregada para ofrendas e artesanías. Museo do Ouro, Bogotá.

Cuchavira, que era chamado "aire resplandecente", apareceu ante os muiscas cando Bochica, o mensaxeiro do ser supremo Chiminigagua foi enviado ás chairas dos muiscas. Cando o deus da choiva Chibchacum estaba anoxado, enviaba fortes trebóns ás chairas, causando o desbordamento dos ríos, asulagando as terras e as casas (bohíos) dos muiscas. Cando remataban as choivas e o Sol volvía saír, aparecía Cuchavira, e a xente ofrecíalle ouro de baixo grado ou aliaxes de ouro e cobre (tumbaga), caracois mariños e esmeraldas pequenas para agradecerlle.

Véxase tamén

Outros artigos

• Relixión muisca

Bibliografía

• Ocampo López, Javier (2013). Mitos y leyendas indígenas de Colombia - Indigenous myths and legends of Colombia (en castelán). Bogotá, Colombia: Plaza & Janes Editores Colombia S.A. ISBN 978-958-14-1416-1.