Conversa:Instituto Xelmírez

Título

Non estou de acordo co cambio do títtulo. Este instituto, que agora non existe como tal, nunca se chamou IES Arcebispo Xelmírez. Non sei a data en que comezou a chamarse deste xeito (Instituto "Arzobispo Gelmírez"). O nome que tiña cando pasou a ocupar o edificio da Compañía (de Xesús), data que tamén descoñezo, chamábase Instituto General y Técnico, como constaba no lintel da porta interna; este nome conservábase cando estodou nel o meu pai, na época de Afonso XIII, era mixto e ademais de cursárense as materias propias dun bacharelato típico, estudábase tamén, por exemplo, a materia "agricultura"; o seu plan de estudos era de sete anos, ao final dos cales, para poder entrar na universidade, había que aprobar o temido "Exame de Estado", de acordo coa lei de Educación daquela vixente, a famosa lei Moyano; cando eu fixen o "Exame de ingreso" nese instituto, aos nove anos, en 1951, aínda estaba vixente a lei Moyano, polo que tiven que cursar dúas veces, as materias "francés 1º e 2º", e "latín 1º e 2º" (co que tiven ocaasión, e tempo, de traducir íntegras De bello Gallico e De bello civili) xa que, ao comezar o terceiro curso cambiou a lei de educacuión (a reforma de Ruiz-Giménez); daquela, e despois da guerra civil , xa había en Santiago dous institurtos, o "Arzobispo Gelmírez" (masculino), e o "Rosalía Castro" (feminino).
As siglas IES (Instituto de Educación Secundaria) son "modernas", e por iso penso que non se deben aplicar a un centro educativo histórico.
Polo que solicito a restauración do nome orixinal que puxen cando fixen a primeira edición, por razóns hitóricas (e porque é o meu instituto). --Xoio^{Éche o que hai} 9 de abril de 2018 ás 16:32 (UTC)

• Si, erro meu: IES non ten sentido aquí. Con todo, creo que habería que deixalo en Instituto Xelmírez[1] e de aí redireccionar as restantes designacións (Instituto Arzobispo Gelmírez, Instituto Arcebispo Xelmírez etc.), cunha nota ao pé ou unha matización no inicio sobre a denominación oficial na época para o Ministerio de Gobernación. Inclínome por facelo así por ser o nome en galego tanto do persoeiro como dos actuais institutos e porque así é a súa denominación popular na nosa lingua. Vénme á mente o modo no que resolveramos deixar Carta Xeométrica de Galicia para o título e os outros nomes como redireccións. Se non tes inconveniente, Xoio, procederei a cambialo. --Atobar ^{(conversa comigo)} 9 de abril de 2018 ás 17:13 (UTC)

Unha solución intermedia sería poñer o nome ou ben como Instituto Arcebispo Xelmírez (sen o IES), pero mantendo na redacción o nome Instituto Arzobispo Gelmírez (que foi o nomde que tivo durante moitísios anos), ou ben titulalo como O primeiro Instituto de Santiago de Compostela (demasiado longo). Vou modificar algo o texto, e incluír unha nota sobre o decreto de desdobramento que me faclitaches. Grazas.--Xoio^{Éche o que hai} 9 de abril de 2018 ás 17:40 (UTC)

Certo, Instituto Arcebispo Xelmírez é outra posibilidade. Eu optei por Instituto Xelmírez, a secas, por ser a forma na que se cita na ligazón que acheguei. Coido que calquera das dúas valería; se ben prima a que vaia acompañada dunha referencia máis sólida. Mételle man e ao final, co que haxa, decidimos. --Atobar ^{(conversa comigo)} 9 de abril de 2018 ás 17:46 (UTC)

Coordenadas

Dado que o instituto cambiou varias veces de emprazamento, non se poden poñer as súas coordenadas. En todo caso, deberían figurar en cada un dos artigos dos edificios que ocupou, se os houber, --Xoio^{Éche o que hai} 9 de abril de 2018 ás 17:45 (UTC)

• Atobar, que pensas ti do das coordenadas? --Xoio^{Éche o que hai} 9 de abril de 2018 ás 20:15 (UTC)

Non o teño moi claro. A ver se deitan luz HombreDHojalata ou Estevoaei. --Atobar ^{(conversa comigo)} 9 de abril de 2018 ás 21:23 (UTC)

Isto é un exemplo

Localización inicial:	57°18′22.5″N 4°27′32.7″O
Segunda localización:	57°23′21.5″N 4°25′20.9″O
Localización actual:	57°33′19.5″N 4°23′57.8″O

Bueno, poderíanse poñer todas elas, nun cadriño, como o que poño eu aquí, á dereita. Non si? --. HombreDHojalata.^conversa 9 de abril de 2018 ás 21:48 (UTC)

Ligazóns externas modificadas (decembro 2019)

Ola compañeiros editores,

Acabo de modificar 1 ligazóns externas en Instituto Xelmírez. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

• Engadiuse o arquivo https://web.archive.org/web/20180503170846/http://asociacioninstitutoshistoricos.org/site/andelpih/index.html á ligazón http://asociacioninstitutoshistoricos.org/site/andelpih/index.html

Por favor revisade o FAQ para máis información sobre como corrixir erros do bot.

Saúdos.—InternetArchiveBot (Informar de erros) 18 de decembro de 2019 ás 13:47 (UTC)