Citocromo b
O citocromo b é a principal subunidade dos complexos transmembrana do bc1 e b6f da cadea respiratoria e fotosintética, respectivamente, onde intervén no transporte de electróns e bombeo de protóns.[1][2]
| Citocromo b | |||||||||
|---|---|---|---|---|---|---|---|---|---|
 complexo do citocromo bc1 mitocondrial | |||||||||
| Identificadores | |||||||||
| Símbolo | Cytochrom_B_N | ||||||||
| Pfam | PF00033 | ||||||||
| InterPro | IPR005797 | ||||||||
| PROSITE | PDOC00171 | ||||||||
| SCOPe | 3bcc / SUPFAM | ||||||||
| TCDB | 3.D.3 | ||||||||
| OPM superfamily | 3 | ||||||||
| OPM protein | 3h1j | ||||||||
| CDD | cd00284 | ||||||||
| |||||||||
Función
editarNa mitocondria dos eucariotas e en procariotas aeróbicos, o citocromo b é un compoñente do Complexo III da cadea respiratoria (EC 1.10.2.2), tamén chamado complexo bc1 ou ubiquinol-citocromo c redutase. Nos cloroplastos das plantas e cianobacterias, hai unha proteína análoga, o citocromo b6, que é un compoñente da plastoquinona-plastocianina redutase (EC 1.10.99.1), tamén chamado complexo b6f. O complexo bc1 está tamén presente no sistema fotosintético da fase luminosa das bacterias púrpuras e as verdes do xofre. Estes complexos están implicados no transporte de electróns e bombeo de protóns para crear unha forza protón motriz. O gradiente de protóns que axuda a xerar este complexo de citocromos utilízase finalmente para a xeración de ATP. Por tanto, estes complexos teñen unha misión vital nas células.[3]
Estrutura
editarO citocromo b/b6[4][5] é unha proteína integral de membrana de aproximadaemnte 400 residuos de aminoácidos que probablemente ten 8 segmentos transmembrana. Nas plantas e cianobacterias, o citocromo b6 consta de dúas subunidades codificadas polos xenes petB e petD. O citocromo b/b6 se une non covalentemente a dous grupos hemo, denominados b562 e b566. Crese que os ligandos dos átomos de ferro destes dous grupos hemo son catro residuos de histidina conservados.
Uso en filoxenética
editarO xene do citocromo b utilízase con frecuencia como unha rexión do ADN mitocondrial que serve para determinar as relacións filoxenéticas entre as especies debido á súa variabilidade de secuencia. Considérase que é moi útil para determinar as relacións dentro dunha familia ou un xénero. Os estudos comparativos sobre o citocromo b deron lugar a novos esquemas de clasificación e foron utilizados para asignar as especies novas descritas a un xénero, e para entender con maior profundidade as relacións evolutivas.[6]
Importancia clínica
editarAs mutacións no citocromo b orixinan principalmente unha intolerancia ao exercicio en pacientes humanos, e en casos máis raros, informouse de patoloxías multisistémicas graves.[7]
As mutacións puntuais no citocromo b de Plasmodium falciparum e P. berghei están asociadas coa resistencia á droga antimalárica atovaquone.[8]
Xenes humanos
editarOs xenes humanos que codifican as proteínas citocromo b son:
Notas
editar- ↑ Howell N (August 1989). "Evolutionary conservation of protein regions in the protonmotive cytochrome b and their possible roles in redox catalysis". J. Mol. Evol. 29 (2): 157–69. PMID 2509716. doi:10.1007/BF02100114.
- ↑ Esposti MD, De Vries S, Crimi M, Ghelli A, Patarnello T, Meyer A (July 1993). "Mitochondrial cytochrome b: evolution and structure of the protein". Biochim. Biophys. Acta 1143 (3): 243–71. PMID 8329437. doi:10.1016/0005-2728(93)90197-N.
- ↑ Blankenship, Robert (2009). Molecular Mechanisms of Photosynthesis. Blackwell Publishing. pp. 124–132.
- ↑ Howell N (1989). "Evolutionary conservation of protein regions in the protonmotive cytochrome b and their possible roles in redox catalysis". J. Mol. Evol. 29 (2): 157–169. PMID 2509716. doi:10.1007/BF02100114.
- ↑ Esposti MD, Crimi M, Ghelli A, Patarnello T, Meyer A, De Vries S (1993). "Mitochondrial cytochrome b: evolution and structure of the protein". Biochim. Biophys. Acta 1143 (3): 243–271. PMID 8329437. doi:10.1016/0005-2728(93)90197-N.
- ↑ Castresana, J. (2001). "Cytochrome b Phylogeny and the Taxonomy of Great Apes and Mammals". Molecular Biology and Evolution 18 (4): 465–471. PMID 11264397.
- ↑ Blakely EL, Mitchell AL, Fisher N, Meunier B, Nijtmans LG, Schaefer AM, Jackson MJ, Turnbull DM, Taylor RW (July 2005). "A mitochondrial cytochrome b mutation causing severe respiratory chain enzyme deficiency in humans and yeast". FEBS J. 272 (14): 3583–92. PMID 16008558. doi:10.1111/j.1742-4658.2005.04779.x.
- ↑ Siregar JE, Syafruddin D, Matsuoka H, Kita K, Marzuki S (June 2008). "Mutation underlying resistance of Plasmodium berghei to atovaquone in the quinone binding domain 2 (Qo(2)) of the cytochrome b gene". Parasitology International 57 (2): 229–32. PMID 18248769. doi:10.1016/j.parint.2007.12.002.
Véxase tamén
editarOutros artigos
editarLigazóns externas
editar- Cytochromes b Medical Subject Headings (MeSH) na Biblioteca Nacional de Medicina dos EUA.