Cesáreo García Álvarez
Cesáreo García Álvarez, nado en Padrenda, foi un sacerdote e xornalista galego.
  | |
| Biografía | |
|---|---|
| Nacemento | século XIX Padrenda |
| Morte | século XX |
| Datos persoais | |
| País de nacionalidade | España |
| Actividade | |
| Ocupación | xornalista |
| Lingua | Lingua castelá |
Traxectoria editar
Estudou no Seminario de Ourense e colaborou en La Voz Católica. Colaborou en La Integridad, El Noroeste, La Nueva Época de Ourense e El Castellano de Burgos, do que foi director (1901), empregando en ocasións o pseudónimo de Isaac Rego Arce. Foi cura ecónomo de Matamá e Couso e colaborou en Noticiero de Vigo, onde se amosou contrario ao socialismo. Foi promotor do movemento social-católico en Galicia. Amigo de Basilio Álvarez, na fase máis radical de Acción Gallega dedicouse a combatela. Dirixiu La Era (1911), La Voz del Condado (1913), dende o que promoveu a organización social e cooperativista identificada coa Igrexa católica. Posteriormente dirixiu La Integridad (1914-1923) e foi nomeado Catedrático de Teoloxía Fundamental e Historia Eclesiástica do seminario de Tui en 1915. En 1921 foi nomeado párroco de Carballeda.
Obras editar
- La juventud y las congregaciones marianas, 1900.
- Los Juegos Florales, 1902.
- Marianismo, 1915.
- La prensa periódica, instrumento apologético, 1916.
Véxase tamén editar
Wikimedia Commons ten máis contidos multimedia na categoría: Cesáreo García Álvarez  |