Castro de Vixil

O castro de Vixil, tamén coñecido como castro de Cunca de Vixil, é un castro situado no lugar do Castro, na parroquia de Boizán, no concello lucense de Vilalba. O castro data dos séculos -II e -I. O castro aparece no Inventario de Bens Patrimoniais da Xunta de Galicia (Catálogo da Xunta e dos PXOM).

Castro de Vixil
Parroquia	Boizán
Concello	Vilalba
Provincia	Lugo
Comunidade autónoma	Galicia
Id. catálogo	GA27065022
Cronoloxía
Datas de ocupación	Idade de Ferro
Estado actual	Uso forestal
Extensión estimada	4460 m2 ha.
Véxase tamén
Castros de Galicia

Accédese ao castro pola N-634 en dirección Baamonde ata o lugar de Alto de Vixil. Dende alí chégase ó castro xirando á dereita.

Descrición

Atópase nun zona costenta. Mide 96 metros no eixo norte-sur e 114 no eixo leste-oeste. A súa área é de 4460 m2. Ten forma oval cun único parapeto defensivo de 4 metros de alto e 13,5 metros de anchura media. O parapeto está reforzado por un foxo no sueste.

Arqueoloxía

Descubríronse restos de cerámica (con decoracións moi variadas), materiais de pedra e de metal. Non se documentan materiais romanos. Os restos atópanse expostos no Museo de Prehistoria e Arqueoloxía de Vilalba.

Conservación

Na década de 1970 abriuse unha canteira no seu interior, o cal destruíu o parapeto sur e deixou ao descuberto varias estruturas.

Véxase tamén

Outros artigos

• Cultura castrexa
• Castros da provincia de Lugo

Bibliografía

• RAMIL REGO, Eduardo (1997). El castro de Vixil (Vilalba, Lugo). Estudio de materiales y nuevas perspectivas. Férvedes, 4.
• RAMIL REGO, Eduardo (1997). Xacementos castrexos do concello de Vilalba (Lugo). Análise dos emprazamentos. Revista Férvedes, 4.

Ligazóns externas

• Castro de Vixil na páxina web colaborativa Patrimonio Galego.