Castelo de Araúxo

Castelo de Araúxo
Tipo	castelo
Conservación	en ruínas
Persoas e organizacións
Propietario/a	Araúxo
Localización
	41°54′22″N 8°03′39″O / 41.9060438, -8.0607356
Estado	España
Comunidade autónoma	Galicia
Provincia	provincia de Ourense
Concello	Lobios
Parroquia	Araúxo
Altitude	536 m
	[ Wikidata ]

O castelo de Araúxo foi unha fortaleza situada nas inmediacións da aldea da Vila, na parroquia de San Martiño de Araúxo, municipio de Lobios.

Estaba situado nun alto a 536 metros sobre o nivel do mar, enriba dun rochedo, aproveitando a orografía para erguer os muros e a torre do homenaxe, no centro dunha vasta extensión de terreo sucado por varios ríos, ao norte, o río Salas, ao oeste o río Limia, ao suroeste o río Cabaleiro. Dende aquí vense as serras do Xurés e Santa Eufemia en Lobios, dos montes do Quinxo e a Montaña en Entrimo, boa parte destes dous concellos e dos de Lobeira, Muíños e Bande. Estaba vencellado ao castelo de Lindoso, que tamén pertencía á familia dos Araúxo. Consérvanse as ruínas dos alicerces, carecendo de clasificación por parte do poder público, fixéronse escavacións arqueolóxicas no ano 1991, dentro do proxecto O encoro de Lindoso e o seu entorno (Lobios, Ourense)^[1], polos arqueólogos Manuel Xusto Rodríguez e Celso Rodríguez Cao. Actualmente, só é visible o foxo escavado na rocha e pequenos anacos de muros.

Historia

O castelo de Araúxo construíuse no século XII. O rei Afonso II entregoullo ao bispo de Ourense. Comezou sendo unha fortificación da familia dos Araúxo.

Durante a Guerra de Restauración Portuguesa tomárono as tropas portuguesas ás ordes do xeneral Gastão Coutinho. En setembro de 1641 entraron pola Portela do Home e tomaro este castelo e diferentes vilas.^[2]

Destruíuse no ano 1704 durante a guerra de sucesión^[3].

Este castelo tivo moita importancia nas guerras constantes con Portugal polo dominio destas terras.

Estudo arqueolóxico

Do estudo arqueolóxico feito por Manuel Xusto Rodríguez a comezo da década de 1990, aparece parte dun guerreiro con cota de malla, dúas placas, un axóuxere, e varias puntas de dardo e unha de frecha, datados entre os anos 1301 e 1500^[4]. Todo este material está depositado no Museo Arqueolóxico Provincial de Ourense.

Notas

↑ "Castelo de Araúxo". Colecciones en Red. Consultado o 06-02-2021.
↑ "Relaçaõ da entrada, que o Fronteiro Môr Dom Gastaõ Coutinho fez pelo Reyno de Galiza em noue de Setembro deste anno de 1641". Consultado o 03-04-23.
↑ "Araujo, Castillo de". Asociación Española de amigos de los castillos. Consultado o 06-02-2021.
↑ "Colecciones en Red". Consultado o 06-02-2021.

Véxase tamén

Bibliografía

Xusto Rodríguez, Manuel (2005). O castelo de Araúxo. ISBN 84-453-4274-6.

Ligazóns externas

"O Castelo de Araúxo". Bordejar. Consultado o 06-02-2021.

[1] "Castelo de Araúxo". Colecciones en Red. Consultado o 06-02-2021.

[2] "Relaçaõ da entrada, que o Fronteiro Môr Dom Gastaõ Coutinho fez pelo Reyno de Galiza em noue de Setembro deste anno de 1641". Consultado o 03-04-23.

[3] "Araujo, Castillo de". Asociación Española de amigos de los castillos. Consultado o 06-02-2021.

[4] "Colecciones en Red". Consultado o 06-02-2021.

[1]

[2]

[3]

[4]