Casa do Concello de Tampere
A Casa do Concello de Tampere (en finés Tampereen Raatihuone) é o antigo palacio municipal da cidade de Tampere, en Finlandia. Trátase dun edificio de estilo neorrenacentista deseñado por Georg Schreck e situado no número 10 de Keskustori (Praza Central). A construción do edificio finalizou en 1890. O edificio, construído ao xeito dun palacio, conta con varias salas e acolle distintos eventos da cidade.[1]
| Casa do Concello de Tampere | |
|---|---|
 Casa do Concello de Tampere en 2008. | |
| Edificio | |
| Localización | Keskustori, 10 Tampere |
| Coordenadas | 61°29′53″N 23°45′34″L / 61.4980193699, 23.7594547208Coordenadas: 61°29′53″N 23°45′34″L / 61.4980193699, 23.7594547208 |
| Uso(s) | Sede do concello |
| Construción | |
| Inicio | 1887 |
| Remate | 1890 |
| Equipo | |
| Arquitecto(s) | Georg Schreck |
| [ editar datos en Wikidata ] | |
Historia editar
O edificio actual estivo precedido por outro de madeira e unha única altura construído en 1802 e localizado no mesmo lugar e que tivo as funcións de casa do concello. No ano 1885 comezouse a traballar no deseño dun novo edificio, para o cal se realizou un concurso no que foron presentados os deseños de F.L. Calonius, Theodor Decker e Georg Schreck, resultando gañador este último. As obras comezaron en 1887 e foron supervisadas polo arquitecto municipal Calonius, mentres que o edificio foi pintado en 1889. Finalmente foi inaugurado nunha cerimonia solemne o 8 de xaneiro de 1890.[2][3]
Durante a Gran Folga de 1905 o poeta Kössi Lindström leu dende o seu balcón o Punainen julistus (en galego Manifesto vermello) de Yrjö Mäkelin.[4]
En 1918, durante a guerra civil finlandesa, o palacio municipal, xunto con outros edificios, foi empregado como refuxio pola poboación durante batalla de Tampere. O edifio foi defendido por un grupo de mulleres e homes da Garda Vermella, que finalmente se renderían ás 5:30 pm do 5 de abril, sendo así o último reduto vermello en ser tomado polos brancos.[5][6]
O pleno municipal reuniuse no edificio ata mediados da década de 1920, cando as decisións pasaron a tomarse no edificio da biblioteca.[2]
A primeira renovación do edificio tivo lugar a finais da década de 1960. Ameazado de derrubo pola súa antiga estrutura de madeira que fixo que o edificio comezara a afundirse, en 1977 realizouse o fortalecemento da súa estrutura mediante alicerces de formigón.[2][3] Entre 2003 e 2004 foi completamente renovado para devolvelo ao seu aspecto orixinal.[7]
Galería de imaxes editar
-
A Casa do Concello de Tampere en 1894. -
Vista do edificio na primeira década do século XX. -
Exterior en 2013. -
Salón de baile. -
Salón dourado.
_p208_Tammerforce,_Market_Place.jpg)
Notas editar
- ↑ "Raatihuone" (en finés). virtualtampere.com. Consultado o 3 de febreiro de 2021.
- ↑ 2,0 2,1 2,2 "Tampereen Raatihuone" (en finés). tampereopas.com. Arquivado dende o orixinal o 20 de decembro de 2005. Consultado o 3 de febreiro de 2021.
- ↑ 3,0 3,1 Ketonen, Niina. "Raatihuone" (en finés). Keskesta Voimaa. Arquivado dende o orixinal o 14 de xaneiro de 2021. Consultado o 3 de febreiro de 2021.
- ↑ "SUURLAKON MUISTOLAATTA 1955" (en finés). Cidade de Tampere. 2006. Consultado o 3 de febreiro de 2021.
- ↑ VV.AA. (2010). Tampere 2018. A Town in the Civil War (en inglés). (Tradución: Anu Planting). Tampere: Tampere Museums. pp. 121 e 125. ISBN 978-951-609-473-4.
- ↑ Roselius, Aapo (2006). Amatöörien sota. Rintamataisteluiden henkilötappiot Suomen sisällissodassa 1918 (en finés). Helsinqui: Oficina do Primeiro Ministro de Finlandia. pp. 31–51. ISBN 978-952-53549-2-8.
- ↑ "Raatihuone" (en finés). Cidade de Tampere. Consultado o 3 de febreiro de 2021.
Véxase tamén editar
| Wikimedia Commons ten máis contidos multimedia na categoría: Casa do Concello de Tampere |