Carlos Martel de Anjou

Para o gobernante franco do século VIII véxase: Carlos Martel.

Carlos Martel, nado en Nápoles o 8 de setembro de 1271 e finado na mesma cidade o 12 de agosto de 1295, coñecido como Carlos I Martel, Carlos Martel de Anjou ou, en italiano, Carlo Martello, foi o primoxénito do rei Carlos II de Nápoles da Primeira Dinastía Capetiana de Anjou-Sicilia e María de Hungría, filla do rei Estevo V de Hungría.

Carlos Martel de Anjou
Nacemento	15 de setembro de 1271
Lugar de nacemento	Nápoles
Falecemento	12 de agosto de 1295
Lugar de falecemento	Nápoles
Causa	peste
Soterrado	Catedral de Nápoles
Nacionalidade	Reino de Nápoles
Ocupación	político
Pai	Carlos II de Anjou
Nai	Maria da Hungria, Rainha de Nápoles
Cónxuxe	Clemência de Habsburgo
Fillos	Carlos I da Hungria, Clemência da Hungria e Beatriz da Hungria
Irmáns	Maria de Anjou, Leonor de Anjou, Branca de Anjou, Margarida de Anjou-Sicília, Luís de Toulouse, Peter Tempesta, Roberto I de Nápoles, Raimundo Berengar de Andria, João de Gravina e Filipe I de Tarento
Na rede
[ editar datos en Wikidata ]

Escudo de armas de Carlos Martel de Anjou

Traxectoria

Pretendente ao Reino de Hungría

Aos 18 anos, en 1290, foi declarado polo Papa e polo partido eclesiástico como rei titular de Hungría como sucesor do seu tío materno Ladislau IV de Hungría, que morrera sen fillos e contra o cal o Papa xa declarara unha cruzada.

Non obstante, nunca obtivo o goberno de Hungría onde reinaba de forma efectiva o seu curmán André III de Hungría, da dinastía Árpád.

Descendentes

Casou con Clemencia de Habsburgo, a filla de Rodolfo I do Sacro Imperio Romano, coa que tivo tres fillos:

• Carlos Roberto (1288-1342), rei de Hungría.
• Beatriz (1290-1354), muller de Xoán II de La Tour du Pin.
• Clemencia (1293-1328), muller de Luís X de Francia.

Carlos Martel morreu novo, cos seus pais aínda vivos. O seu fillo, Carlos Roberto, recuperou os dereitos dinásticos ao trono de Hungría.

Parece que Carlos Martel era coñecido por Dante Alighieri, xa que cando aparece na súa Comedia do Paraíso de Venus, fala de xeito familiar co poeta florentino.