César Longo

César Longo Queijo, nado na Coruña en 1952, é un político galego do PSdeG-PSOE.

César Longo Queijo

Biografía
Nacemento	1952 (71/72 anos) A Coruña, España
Alcalde
Datos persoais
País de nacionalidade	España
Actividade
Lugar de traballo	Paderne
Ocupación	político
Partido político	Partido Socialista Obrero Español
Membro de	Partido dos Socialistas de Galicia
Lingua	Lingua castelá e lingua galega

Traxectoria

Foi candidato á alcaldía de Paderne polo PSdeG-PSOE nas eleccións municipais de 1983, sendo a segunda forza máis votada con 3 concelleiros. Nas municipais de 1987 e 1991 conseguiu mellorar os seus resultados con 4 e 5 concelleiros, respectivamente, sendo nesta última ocasión a forza máis votada ó bordo da maioría absoluta, pero un pacto entre o PPdeG e os Independentes por Paderne privouno da alcaldía. Nas municipais de 1995 baixou a 4 edís, por detrás do PPdeG, e apoiou ao independente José Abrodos López como alcalde. Porén, en xullo de 1996 apoiou unha moción de censura que lle devolveu a alcaldía ó popular José Luís Pico Espiñeira.

Nas eleccións municipais de 1999 encabezou de novo a candidatura do PSdeG-PSOE, logrou de novo 4 concelleiros e foi elixido alcalde grazas a un pacto co BNG e Independentes de Paderne. Nas municipais de 2003 foi reelixido de novo alcalde con maioría absoluta, así como en 2007, 2011 e 2015. Foi deputado provincial de 2011 a 2015. Nas eleccións municipais de 2019 perdeu a maioría absoluta e acadou de novo a alcaldía como cabeza da lista máis votada. Nas municipais de 2023 non se presentou á reelección e foi substituído á fronte da alcaldía polo seu compañeiro Sergio Platas Casal.

Véxase tamén

Bibliografía

• Barrera, Feliciano, ed. (2002). "Longo Queijo, César". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. ISBN 84-8064-113-4. 

Outros artigos

• Eleccións municipais en Paderne

Ligazóns externas

• Entrevista^{[Ligazón morta]} en La Voz de Galicia