Boyanka Kostova
Boyanka Kostova (en búlgaro: Боянка Костова), nada en Plovdiv o 10 de maio de 1993, é unha deportista búlgara, naturalizada acerbaixana, que compite en halterofilia.[1] Disputou os Xogos Olímpicos de 2012 na categoría de 58 kg, rematando no quinto lugar, aínda que máis tarde foi descualificada por dopaxe.
| Biografía | |
|---|---|
| Nacemento | 10 de maio de 1993  (30 anos)Plovdiv, Bulgaria |
| Datos persoais | |
| País de nacionalidade | Acerbaixán |
| Altura | 150 cm |
| Actividade | |
| Ocupación | halterófilo |
| Nacionalidade deportiva | Bulgaria Acerbaixán |
| Deporte | halterofilia |
| Participou en | |
| 2015 | Campeonato Mundial de Halterofilismo de 2015 - Até 58 kg feminino (pt)  (1ª) |
| 2012 | Halterofilismo nos Jogos Olímpicos de Verão de 2012 - Até 58 kg feminino (pt) |
| 2010 | Halterofilismo nos Jogos Olímpicos de Verão da Juventude de 2010 - Até 53 kg feminino (pt) (1ª) |
 | |
Traxectoria editar
Tras proclamarse campioa de Europa en Antalya, participou nos Xogos Olímpicos de 2012, na categoría de 58 kg, levantando un total de 233 kg, o que lle valeu o quinto posto e un diploma olímpico. Con todo, en xuño de 2016, tras o escándalo de dopaxe ruso, a IWF anunciou que as segundas probas das mostras tomadas nos Xogos Olímpicos indicaron que Kostova dera positivo en dúas substancias prohibidas: dehidroclorometiltestosterona e estanozolol, o que supuxo a retirada de todos os resultados e medallas obtidas dende o día que se tomou a mostra en 2012 ata 2016.[2] En novembro de 2016 a Comisión Disciplinaria do COI descualificouna dos Xogos Olímpicos de 2012.[3]
En maio de 2021, pouco despois do Campionato de Europa no que gañou o ouro,[4] volveu dar positivo por estanozolol. En outubro de 2021, foi suspendida durante oito anos, ao ser a súa segunda infracción por dopaxe.[5][6][7]
A principios de 2022 foi detida por narcotráfico en Bulgaria. Foi condenada a 3 anos de prisión, pero a súa condena foi reducida ata novembro de 2022 para comezar unha carreira de adestradora e estudar na NSA baixo a vixilancia de Lachezar Kishkilov, quen fora o seu adestrador.[8]
Na cultura popular editar
O dúo galego de trap Boyanka Kostova tomou o seu nome despois de coñeceren á deportista a través do televisor.[9][10]
Notas editar
- ↑ "Athletes Switching Nationalities in Spotlight at London Olympics" (en inglés). 16 de xullo de 2012. Consultado o 1 de xuño de 2023.
- ↑ "PUBLIC DISCLOSURES" (en inglés). 15 de xuño de 2016. Consultado o 1 de xuño de 2023.
- ↑ "IOC sanctions seven athletes for failing anti-doping tests at Beijing 2008 and London 2012" (en inglés). 25 de novembro de 2016. Consultado o 1 de xuño de 2023.
- ↑ Shefferd, Neil (5 de abril de 2021). "Kostova wins closely fought women’s 59kg category on third day of European Weightlifting Championships" (en inglés). Consultado o 1 de xuño de 2023.
- ↑ Oliver, Brian (1 de outubro de 2021). "Weightlifter Kostova suspended for eight years - after life bans for doctor and coach" (en inglés). Consultado o 1 de xuño de 2023.
- ↑ "The ITA asserts apparent anti-doping rule violation against Azerbaijani weightlifter" (en inglés). 21 de maio de 2021. Consultado o 1 de xuño de 2023.
- ↑ Oliver, Brian (23 de maio de 2021). "Olympic Games weightlifting doper Kostova tests positive again" (en inglés). Consultado o 1 de xuño de 2023.
- ↑ "Световна шампионка в Сливенския затвор за разпространение на наркотици" (en búlgaro). 25 de outubro de 2022. Consultado o 1 de xuño de 2023.
- ↑ ""Estannos a recibir como unha movida un pouco estraña que non saben ben por onde coller"". Nós Diario. 14 de decembro de 2018. Consultado o 1 de xuño de 2023.
- ↑ "El fenómeno trap de Boyanka Kostova". Radio 3 (en castelán). 3 de setembro de 2017. Consultado o 1 de xuño de 2023.
Véxase tamén editar
Ligazóns externas editar
- Datos da deportista no sitio web da International Weightlifting Federation (en inglés).
- Datos da deportista no sitio web do International Weightlifting Results Project (en inglés).
- Datos da deportista en Olympics.com (en inglés).
- Datos da deportista na Olympedia (en inglés).