Bieite, Leiro

Para outras páxinas con títulos homónimos véxase: Bieite.

Santo Adrao de Bieite é unha parroquia do concello de Leiro, na provincia de Ourense. No ano 2007 tiña 123 habitantes, deles 54 eran homes e 69 eran mulleres, isto supón un aumento de habitantes en relación ao ano 2002.

Bieite
Vista de Bieite co río Avia ó seu carón.
Concello	Leiro
Provincia	Ourense
Coordenadas	42°20′34″N 8°07′33″O
Poboación	97 hab. (2022)
Entidades de poboación	2
[ editar datos en Wikidata ]

Patrimonio

Igrexa de Santo Adrao de Bieite.

Escultura de Santo Adrao na fachada da igrexa.

A igrexa parroquial é barroca, do século XVIII, con retablos desta época e custodia do renacemento. A sancristía está abovedada e posúe retablo rococó presidido por un Cristo.

O monumento máis representativo é o Calvario, situado a 50 m da igrexa, da que parte un Via crucis delimitado por un pequeno muro, que chega ata aquel.

No centro do recinto están os tres cruceiros cunha mesa de ofrendas. Os cruceiros son sinxelos, sen imaxes nos crucifixos, alzados sobre un baseamento común, duns 3 x 1,2 m de base e 0,5 de altura, cuns chanzos de acceso. A cruz central, a de maior tamaño.

Os tres cruceiros son distintos entre eles, de bastante antigüidade pero posiblemente feitos en diferentes momentos. Posiblemente o Calvario foi construído recuperando materiais procedentes doutros lugares.

Lugares e parroquias

Lugares de Bieite

Lugares da parroquia de Bieite no concello ourensán de Leiro
Barzamedelle | Bieite

Véxase tamén

Outros artigos

• Lugares de Leiro