Bica
A bica é un biscoito doce típico de elaboración artesanal de gran difusión en Galicia. É utilizada nos almorzos ou como acompañante á hora do café. En Ourense é habitual cortala en cubos e consumila acompañada de licor café .
| Bica | |
 Bica mantecada de Castro Caldelas (Ourense) | |
| Orixe |  Galicia
|
| Gastronomía | Gastronomía de Galicia |
| Ingredientes | |
| Orixe animal | Ovo Manteiga |
| Orixe vexetal | Fariña |
| Condimentos | Azucre |
| |
As bicas ourensás máis célebres son a do Castro e a de Sas de Penelas (as dúas no concello de Castro Caldelas), a de Laza (concello de Laza), e a de Trives (concello de Pobra de Trives). A de Laza é tamén chamada "bica branca", porque emprega as claras dos ovos prescindindo das xemas.
A bica que se fai en Ourense, máis en concreto nos concellos de Avión e Beariz, así como en toda a zona do Ribeiro non é unha bica doce. Faise con fariña de millo e é parecida a unha empanada. Cócese debaixo dun testo cuberto de brasas e parece máis unha empanada ca un pan. Pódese encher coma as empanadas, aínda que non é normal facelo. Na provincia de Pontevedra, polo menos nos concellos de Arbo e Crecente, faise tamén este tipo de bica, aínda que se pode cocer encima dunha pedra da lareira ou da cociña de ferro. A cor da bica é amarela, e ten bastante codia, pois semella ser unha tortilla de patacas (redonda e esmagada).
Festas
editarA festa da bica de Manzaneda celébrase o último domingo do mes de xullo no municipio da Pobra de Trives.
A "noite das bandeiras" (6 de setembro) dá comezo ás festas dos Remedios en Castro Caldelas. Durante o percorrido, a comitiva que engalana a vila oferece aos asistentes bica e licor café.
|
Este artigo sobre gastronomía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |